現年26歲的吳家忻(Kayan9896) 憑YouTube頻道「試當真」成功彈起，其後更成眾時尚品牌寵兒，又以歌手身份加入樂壇，成為「試當真」台柱。前年，她與拍拖兩年的演員林家熙(Locker)分手，其後亦大方認愛富二代、「Ball后」薛芷倫長子馬桂烽，今年母親節，Kayan9896更融入男友家中與「未來奶奶」薛芷倫一齊慶祝。事業愛情兩得意的Kayan9896，近日被發現社交平台上的工作聯絡方法已改，疑低調離巢「試當真」。
Kayan9896 在今年3月疑私下在男友馬桂烽旗下的酒店舉行爵士音樂會，而當時「試當真」老闆游學修就出po以不點名方式鬧人，寫道：「我呢種傻仔好易呃，同我傾生意，氹得掂我就好著數，好易搵我笨，我唔識計的，但你面唔畀錢唔畀情唔講義唔講，我就同你死過」同時，游學修、Locker、Tyson Yoshi 、以及YouTube頻道「試當真」，都取消關注 Kayan9896的IG，雖然Kayan9896仍然有Follow「試當真」，但種種跡象令「試當真」與kayan9896關係疑關係生變。
網民意見兩極
日前，就有網民發現Kayan9896 在社交平台的工作電郵由昔日「試當真」聯絡方法，改為另一聯繫方法，並指她疑已離巢「試當真」。有網民在fb 「認真毛群組」發文表示：「其實試當真最錯係咪捧紅咗佢？搞到佢以為自己真係好紅，又飛起試當真，官方最近又冇見佢出現。」網民都紛紛議論表示：「可能瞞住公司接好多秘撈我地唔知，依家都係等入豪門」、「等人養仲做咩？」不過亦人撐Kayan9896表示：「可能佢同locker分咗手，唔想尷尬所以完約就離職」、「完約咪走，冇人一世打死一份工」。
