TVB歌唱真人騷《中年好聲音3》昨晚（17日）播出，香港賽區45強全部順利誕生。今集共誕生三位5燈及三位4燈選手，5燈選手是森林、楊炳德、吳海楊；4燈選手是羅逸軒、梁華勝、陸東成。當中，「木偶哥」林師傑的爸爸森林（林道權）成為焦點之一，今次他繼續以一身許冠傑的造型演唱《天才與白痴》，雖然得到評審們的歡心，但同時惹來不少爭議。
相關閱讀：中年好聲音3丨「木偶哥」爸爸林道權撞樣許冠傑 與影帝屬同期訓練班同學
「木偶哥」林師傑的爸爸森林惹爭議：
林道權當日參加《中年好聲音３》的海選時，林道權演唱《天才與白痴》，打扮造型都有幾分似許冠傑，評審之一的張佳添說：「好似帶返我哋去70年代，你唱呢首歌係有嗰種蘊味，某程度上你係屬於舞台。」在昨晚的香港賽區百強第四回比拼上，報稱是退休人士的65歲林道權，以「森林」這名字出戰獻唱《天才與白痴》，戴上一頭70年代許冠傑style假髮、配以hip hop感誇張銀鏈飾物亮相，超強音樂感及台風令海兒急不及待撳燈，比「長明燈」肥媽還要快！結果成功得到五燈直接晉級。
評審之一的張佳添讚他選歌策略做得好，而且演出亮眼尤其rap部分：「今日睇得仲開心，你中氣好夠，完全deliver到能量，同埋唱rap唔係將字就咁讀出嚟，係似同你講緊嘢。」不過肥媽說：「我希望你唔係一曲走天涯，你自己都好享受舞台，令周圍嘅人都好開心，你一定要記住將呢份歡樂帶畀大家，但係要唱多啲唔同嘅歌。」伍仲衡則讚其演出娛樂性十足；周國豐亦說：「我係擔心個台，好似有啲想畀你踩扁。」
《中年好聲音3》劉曉昆外貌背景引熱議？
雖然森林得到評審的歡心，不過在TVB官方專頁上，對森林以五燈直接晉級有爭議，有人說：「咁都可以唔5燈，今屆的水準真係差到一個點，反而頭先華勝唱得咁好都係4燈，真係越評越差。」、「仲要扮反許冠傑後生個造型。」、「唱歌比賽定模仿比賽？」、「好多人把聲似原唱，都會比評審話，要扣分，佢連個做型都扮埋，反而攞5燈，真係奇怪……」，但亦有人說：「咁嘅年紀仲咁有中氣，佢真係算唱得幾好。」、「唱舊歌先叫中年，呢位唱啱咗，其他人所唱的不合中年歌，唔啱聽又唔好睇。」、「他的造型一流，但一般人學他那樣唱很大機會過不了海選。」
森林是退休人士，平常會到老人院做義工兼唱歌給老友記，他和太太韓珍曾是TVB藝員，兩人畢業於第11期藝員訓練班，當年的同屆同學有梁朝偉、周星馳、吳鎮宇、歐陽震華、張兆輝、關禮傑、湯鎮宗、李子雄、吳廷燁、林俊賢和麥景婷等。林道權曾演出過多套劇集，太太韓珍做過《婦女新姿》主持。林師傑曾表示自己的童年在飛來飛去的過程中成長，他又稱父母時常吵架，大家情緒都很差，雖然父母有供他讀書，家裏越住越細，車越來越舊，不過很感激媽媽和爸爸將最好的給了自己。
其他文章：
中年好聲音3丨五燈單親靚媽劉曉昆外貌惹關注 背景猛料住半山？與尹新杰識於微時
中年好聲音3丨「超級奶爸」太太有悲慘童年！父母皆為聾啞人士 曾遭媽咪拋棄兼被菜刀「行」頸
中年好聲音3丨雲南人李金凱因5千伏高壓電失雙臂 樂觀面對靠廣東歌走出低谷
中年好聲音3丨張與辰隨時跑出成冠軍？《祝君好》晒驚人唱功 曾參加歌唱比賽唱贏羅力威
中年好聲音3丨區瑞強65歲胞弟成功晉級 戴帽西裝造型與哥哥餅印一樣有望變「吳大強2.0」
