50歲前港姐季軍吳文忻（現名吳忻熹）今年8月驚爆兩年前曾確診乳癌，經治療後一度康復，但今年癌症復發，現時已經是乳癌第三期，更擴散至淋巴腺。近來積極抗癌的吳文忻昨晚公佈爸爸猝死的噩耗，心情沉重的吳文忻今日在IG再貼出一段影片，原來吳爸爸曾拍過荷里活電影，星途比女兒還要好。
相關閱讀：吳文忻爸爸猝死！貼昔日父女溫馨片表示巨大震驚 曾自揭癌症復發擴散至淋巴痛上加痛
吳文忻爸爸曾拍過荷里活電影：
吳文忻今日在IG再貼出一段影片，分享爸爸的生前軼事，原來吳爸爸曾拍過荷里活電影：「記得你剛退休從美國回流返香港，你很不習慣這裏的生活，又沒有很多朋友在這裏，和每天無所事事唔知做乜好，你好lost！我提議你去參加興趣班，學吓你細個好想學但為搵食冇機會學嘅嘢，幫你上網搵咗啲資料，你後來選擇學國畫和水墨畫，仲學到做埋老師教畫畫和開畫展，so proud of you!」她續說：「之後你又被星探搵你拍廣告，你仲話間公司都唔知係咪呃人，唔諗住上去，我看看張卡片， Jamcast喎，唔係呃人㗎，我都識佢哋，我仲陪你上去casting，從此，你就源源不絕的接拍平面和tvc廣告！」
意想不到的事再度發生，吳文忻說：「朋友Phoebe要搵很多香港演員casting荷里活開拍由Nicole Kidman主演嘅《The Expat》，我叫你試吓，你話邊會揀你呀！我話『you will never know if u never try!』(我教女時常常講的！沒想到竟然成功套在你身上），我還同你對搞和錄casting video，導演竟然真係在衆多人選中揀咗你，仲有機會衝出香港，到荷里活拍劇，做Nicole Kidman個老爺！so proud of you！我爸爸遲來的星途，絕對好成績過我！爸爸，你一路好走！我嘅第二人生現在才開始，放心！」
吳文忻交代病情治療進展：
吳文忻曾表示乳癌復發後，她積極尋求治療方法，更一度放棄化療前往泰國接受細胞治療，幸運地在她50歲生日傳來好消息，其身體內的癌細胞指數成功急降。吳文忻表示乳癌復發令她反思人生，同時賜予她第二人生，她更透露自己曾想過出書分享抗癌歷程，亦想過做主持訪問曾患癌的藝人，亦有初步構思舉行慈善音樂會。
其他文章：
50歲吳文忻體內癌細胞指數急降 曾因化療苦不堪言轉試新療法：賜予第二個人生
49歲前港姐吳文忻抗癌恢復體力即出海聚會 舉杯祝酒大晒水著享受日光浴
