好唔容易等到「唱將」 蒲頭，經理人滿心歡喜希望趁住個勢諗住搵返啲錢好過年。但「唱將」瞞晒全世界生咗仔之後，一直都唔畀公司知佢已經做咗阿媽，口係話要返出嚟搵錢，但助手接到嘢搵佢做又唔係成日覆機，所以到而家經理人都未曾落實到呢兩個月可以點樣有收入。
相關閱讀：星8卦丨「青筋面」耍手段擦「福伯」鞋 攞大獎人緣心地差依然冇運行
「唱將」份人情緒化，好自我，好似生仔呢件事大家以為佢係任性，原來佢一直好鍾意小朋友，但唔知點解遲遲未大肚，足足用咗兩年時間，搵咗唔少大師問點樣可以生BB，問完醫生又去問牛鬼蛇神。
佢同身邊啲人講生一個未夠架，最好生到 3個至5個，成屋係人最開心，可能係佢童年太孤獨，所以一直想多啲親人，就諗到自己生，但生完養仔女要駛好多錢。最衰「唱將」平時唔係好鍾意搵錢，所以冇乜積蓄，呢個世界唔勤力冇錢會係天跌落嚟，所以佢好矛盾，知道生一個都唔多夠錢用，何況生多幾個。
而家對住阿仔好開心，仲諗住自己生得再接再厲，問題係銀行存款唔夠，心理上又抗拒做太多嘢，只想接一啲型又合自己心意嘅工作，加上娛樂圈好現實，冇見你一排，冇人再記得你，無價又無市，「唱將」再咁拖，真係連搵錢都冇機會！
其他文章：
星8卦丨「大隻」以為嫁硬「才華」被拋棄 搵個男人扮結婚激將法害自己下半生
星8卦丨「凍凍」為生活畀「書生」嫌棄 遇「英俊」搭棚呃身家苦命女人
