陳柏宇日前宣布將於12月1日澳門百老匯舉行《陳柏宇「LIFE IS LIVE」演唱會 2024 澳門站》，門票將於下月1日公開發售，為了配合演唱會主題，陳柏宇再度「重金禮聘」兩位愛女Abigail（Abi）及Audrey參與「演出」。
相關閱讀：陳柏宇6歲女左眼又紅又腫 揭露一原因導致 網民勸快睇醫生
陳柏宇再度「重金禮聘」兩女參與「演出」：
陳柏宇（Jason）近年越來越貼地，除了經常與網民直播食早餐分享家庭生活，他的歌曲風格亦越來越生活化，只因對陳柏宇來說，生活與音樂從來都是密不可分的。陳柏宇早前與日本爆紅歌姬milet合唱，再宣布12月1日在澳門舉行巡迴演唱，為了配合演唱會主題，陳柏宇再度「重金禮聘」兩位愛女Abigail（Abi）及Audrey參與「演出」，三父女齊齊登上宣傳海報。
一手抱一個的陳柏宇笑得份外甜蜜，兩姊妹亦紮起辮仔，6歲的家姐Abi嘟起嘴仔、單眼兼V字手勢，可愛指數爆燈，另一邊廂，妹妹Audrey的天然萌BB樣，同樣成為焦點。三人的真情流露，充滿溫馨又歡樂的氣氛，陳柏宇說：「張相係拍《可靠我》個MV嗰陣影，當時都冇特別諗住用嚟做演唱會海報，但係翻睇嗰陣，我自己嘅都忍唔住甜笑，佢哋同太太係我人生最重要嘅人，同樣都係因為佢哋，畀咗好多力量我繼續造音樂，呢個就係我嘅《LIFE IS LIVE》。」
對於是次澳門站演唱會，陳柏宇說：「好耐冇去澳門做自己嘅騷，雖然都有去出席吓活動、唱吓歌，但係同自己開騷係兩回事。原來已經6年冇喺澳門開，有好多新歌都未親身唱畀大家聽，我都好想唱吓，點都會有啲經典歌嘅，而家仲係籌備階段啫。」
《陳柏宇「LIFE IS LIVE」演唱會 2024 澳門站》公開售票詳情
公開售票時間：2024年11月1日 中午12時（星期五）
票務平台：澳門百老匯（broadwaymacau.com.mo）、Klook（klook.com）、大麥網（damai.cn）
粉絲福利：凡購買VIP門票觀眾，均可參加團體合照（5人一組）乙次，每張門票可參與一次。
《陳柏宇「LIFE IS LIVE」演唱會 2024 澳門站》詳情
演出日期： 2024年12月1日（星期日）
演出時間： 晚上7時
演出地點： 「澳門百老匯」- 百老匯舞台
票價：澳門幣/港幣 $1,188 (VIP) / $988 / $788 / $588
其他文章：
「翻版李克勤」開PO公審夾公仔舖 為XX元怒轟被當水魚：你有冇良心？
「翻版李克勤」細女生日竟於茶記與老婆開火 模特兒妻曾兩度流產婚姻現暗湧
陳柏宇晒父女「咀嘴」片捱轟！10個月大細女伸脷狂舔爸爸 一個原因被批行為不妥
