何伯2.0？港男拒養出軌病父掀激辯 曾誓言「唔會理你下半世」 因姑姐一句話陷世紀難題｜Juicy叮

「何伯與新何太」的事件鬧得滿城風雨，一名港男今日（10日）在社交平台發長文申訴，指自己有一位與何伯情況相似的父親，導致父子十多年來未曾見面。最近其父親因病倒，欲透過親戚聯絡兒子求助，事件引起網民激烈討論。

何伯2.0？港男拒養出軌病父掀激辯 曾誓言「唔會理你下半世」 因姑姐一句話陷世紀難題↓↓↓↓

該位港男今日（10日）在社交平台發長帖，控訴其出軌病父，引發大批網民熱議，樓主在帖文開首已難掩怒氣，直接寫道：「我冇見我老豆十幾年，原因好簡單，因為同何伯一樣！」

他憶述當年曾苦口婆心勸告父親，並放下狠話：「衰咗我唔會理你下半世」。惟其父親一意孤行，最終陷入困境「終於X咗街，結局正常不過」，而樓主亦決定履行斷絕父子關係的承諾：「我亦言出必行說了算！」

「衰咗我唔會理你下半世」

最令樓主氣憤的，不僅是父親拋妻棄子，更是當年連自己亦被欺騙。他提及父親當年曾約他見面，故作姿態地表示會與內地女子分手。

樓主當時天真地相信父親的話，並寫下當時的心情：「我係佢仔，當年仲天真，思想單純點會唔信？」沒想到不久之後，他便接到母親電話，告知父親提出要離婚，這時方知自己被父親所騙，不禁憤怒質問：「到今日我仍想唔通，點解要特登約我X吹講大話！」

父子之後十多年無見，時至今日，其父親病倒，親戚致電希望樓主幫忙。雖然他口頭上答應前往探望，但內心其實極為矛盾。

他表示自己剛買樓，生活壓力甚大：「金錢上精神上，我只想自己生活……除咗六個仔女(貓)，我唔想再要有D咩責任！」

「我叫姑姐佢咁衰你唔好理佢，佢仍勸我」

那麼為何這次會心軟？樓主解釋，完全是考慮到姑姐的恩情。他表示與姑姐一向感情良好，去年自己感染新冠病毒後咳嗽數月，「佢老人家買成千蚊蜂膠我食食好」。

姑姐明知其父親的為人，亦成日被父親「恰」，但依然關心兄長，更反過來勸說樓主探望父親，「我叫姑姐佢咁衰你唔好理佢，佢仍勸我」，樓主坦言：「所以我點都要俾面姑姐」。

事實上，樓主因姑姐關係，在上兩個月已探望過患病父親一次，並口快快答應了星期二（11日即明日）會再探望，「因為姑姐講到打電話佢冇人聽，我先漏夜焗入去，放低錢就走，叫我留電話我當然冇留！……老實我唔想再理。」

「一直到我大咗都好似『真情』咁，嗰集唔會冇嘢發生」

帖文在網上持續發酵，樓主在帖文置頂的留言中坦言，沒想過帖文會引起巨大迴響，他補充自己生於一個「非常普通嘅家庭」，但童年生活卻絕不平凡，形容「一直到我大咗都好似『真情』咁，嗰集唔會冇嘢發生」。

他承認，父親確實是家庭的經濟支柱，「搵錢返來養一家五口，生活基本不缺」，但與此同時，樓主卻在無情的言語打擊下成長。

他引述父親的經典對白：「衰仔，你睇人地呀邊個幾叻乜乜乜」，直言「PUA（情緒勒索）少不免」。更令人窒息的是，即使母親與父親處於對立面，同樣會對他進行PUA，令他在雙重打擊下成長。他感慨道，幸好自己「爭氣揾到食」，否則只會「更多說話聽」。

家人「全健在但四分五裂」

在父親出軌拋妻棄子後，樓主形容，現時家人雖然「全健在但四分五裂」，更將始作俑者指向身在英國的家姐，抱怨她叫父親「過去玩，玩完整親返離就煩到我」。

在冰冷的家庭關係中，姑姐成為他唯一的慰藉。這份恩情，令樓主縱然對父親心死，仍不得不「俾面姑姐」，成為他內心掙扎的來源。

網民反應兩極：你冇欠佢哋任何一個

帖文一出，隨即引來大量網民留言，反應兩極，不少網民力撐樓主，認為他不應再理會父親，過好自己的生活。

有網民表示：「Block晒你老豆同埋你企係老豆嗰邊嘅親戚，你冇欠佢哋任何一個，反而係你老豆對你唔住」、「支持言出必行，自己嘅選擇，自己承擔後果」、「你已經好好，仲會俾錢佢」。

更有人直言：「叫D親戚去服侍佢，我支持你，針唔拮到肉唔知痛，唔好理啲人講乜」。

網民：果個始終係你老豆……

另一邊廂，亦有網民認為血濃於水，親情難以完全割捨。

有網民感嘆：「前世恩，今世果。有無做過傷天傷理既事？(對你)」、「其實有老婆搵女人，同冇老去搵女人係有小小分別」。

亦有網民嘗試理解樓主的心情：「我知你好嬲你老豆……但係如果中間發生嘅矛盾破裂唔係話好嚴重，言語傷害未至於好重，果個始終係你老豆……」

來源：love_myself_more_t＠Threads

同場加映：4孩港爸千字文控妻子出軌 揪心苦況逐樣數：「事隔半年，真係跳唔到出嚟！」↓↓↓↓

男人最痛！4孩港爸控妻子出軌 千字控訴文要點

「事隔半年，真係跳唔到出嚟」

「同我老婆一齊20年，有四個小朋友，」

「我賺嘅錢全部用晒喺個家度，」

「我對佢係百分百信任，我從來都唔睇老婆手機，」

「有一晚佢開着微信瞓覺，咁我就多事睇吓，」

「見到佢send咗好多性感相俾人，我都知肯定出咗事，」

「再睇上去，見到佢同人開房嘅自拍，」

「即刻捉咗佢起身打咗幾巴，」

「佢同我講只係一次，玩吓，分咗手，」

「佢叫個女求我原諒佢，」

「我衰心軟，冇趕走佢，10日冇同佢講過嘢，」

「去到第11日，佢叫個女同我講佢要加班，返唔到嚟煮晚飯，」

「我冇理到，當晚我又偷偷地睇佢手機，」

「原來佢冇返工，去咗搵奸夫……」

「點解可以咁樣？佢又嚟求我原諒佢，」

「我即時叫佢send我哋1家6口張相俾個奸夫，佢有照做，」

「我嬲得滯又打咗佢幾巴，今次佢報警拉我，」

「我有禁制令，開庭前唔返得屋企（21日），」

「喺呢段時間，我查咗佢戶口，」

「原來佢每個月都會用五、六千蚊買嘢俾嗰奸夫，」

「我啲錢係好辛苦賺返嚟，養咁多個小朋友，」

「原來佢做啲咁嘅事，成日同我講冇錢，」

「俾啲仔女食杯麵，原來拎晒我啲家用去貼仔，」

「我上完庭，判咗36個月守行為，」

「其實我已經原諒咗佢，」

「我返咗屋企之後，想同佢好好地傾吓，」

「點知講唔夠兩句，佢執嘢走話要離婚，」

「我心諗由得佢冷靜吓，點知，」

「原來當晚佢又約咗第二條仔睇戲，」

「仲要俾我啲同事撞到正影埋相，究竟佢有幾多條仔？」

「當晚我就離家出走，留低啲仔女喺屋企，」

「佢即刻返咗嚟，接咗啲仔女走，到我返屋企嘅時候，已經冇晒人，」

「原來佢哋搬晒去宿舍住，」

「住咗唔夠一個禮拜，就有男仔送佢返宿舍，即刻俾人趕走，」

「佢哋五個人冇辦法，返咗去佢老竇度住，」

「佢一樣日日出去玩，俾啲仔女食杯麵，」

「啲仔女終於忍唔住嚟求我接佢哋走，我又衰心軟，」

「我接咗佢哋返嚟又要返工，」

「終於俾人捉到我疏忽照顧兒童，連份工都要辭埋，」

「冇工開啲小朋友食咩？」

「佢湊小朋友嗰個幾月，我一直有俾錢同家用佢，」

「我一月接返啲小朋友返嚟到今日，佢一蚊都冇俾過啲小朋友，」

「四個月啦，我真係頂唔住，」

「啲小朋友每個月要洗我三萬蚊，」

「依家連份工都冇埋，真係唔知點算」

「（妻子是）香港（人），佢15歲跟我到而家」

「我大佢四年……係我唔夠時間陪佢」

「我大仔同大女都唔係細路哥，」

「佢哋知道媽咪做咗呢啲事，仲唔要佢哋，」

「佢哋自己主動封鎖咗佢，」

「就係因為呢件事，佢上個月返嚟打咗個女，」

「搞到件事越嚟越嚴重，」

「佢媽咪依家好似黐咗線一樣，又有新男朋友，」

「每日周圍飲飲食食，仲要發微信俾我知道，」

「我都識好多人偷食，但冇諗過嗰個係我，」

「最細嗰個得四歲，條路真係好長。」

「媽媽（指港爸妻子）掛住返工同拍拖，當佢哋好似狗一樣咁樣養，」

「放低兜飯俾佢哋，食就食，唔食就食杯麵。」

「社區中心只照顧11歲以下，」

「社區保姆係好平，但係唔係一定有，」

「依家佢哋媽咪突然間走咗唔理佢地，」

「我覺得小朋友心理影響好大，所以想自己陪伴佢哋先，」

「四個小朋友加埋我洗三萬蚊，只係飲飲食食同埋交費，」

「保護兒童科嘅社工，佢淨係不斷問我點樣好可以保證啲小朋友安全，」

「叫我將啲小朋友交俾社署看管，叫我去返工咩都唔使理，」

「如果我再疏忽照顧兒童一次，就唔會俾我接返啲小朋友一齊住」

「佢（指妻子）一定係唔要，仲話只會請個工人比我，其他唔會理」

「我老婆都幾靚女，但係我唔明佢點解要搵個阿叔，」

「仲要同我同月同日出世」

（有網民勸：算啦師兄，女人無咗可以再搵）「一拖四點樣搵」

「依家（妻子）又有新仔，我地仲未搞好離婚，佢都夠膽發微信」

（有網民問：點解妻子用微信唔係用wtsapp？）「我估因為微信冇電話號碼，冇咁容易上身」

「佢（妻子）（去年）11至12月照顧咗佢哋（4名子女）一個月，」

「之後都係我自己一路返工，一路教佢哋學習，」

「佢一定係唔會要啲小朋友」

（回應網民打氣）「大家加油！」