一名大媽早前在牛池灣一菜檔買淮山後，懷疑回頭偷薯仔，得手後竟還沒有立即逃走，在場整色整水做一「假動作」企圖扮清白。檔主在網上公開天眼短片佐證，嬲爆大罵：「5蚊薯仔你都偷？」、「不知所謂」。詳情見下圖及下文：
牛池灣大媽買淮山後疑偷薯仔 得手後做一「假動作」扮清白逐張睇↓↓↓↓
樓主：5蚊薯仔你都偷？
樓主本月17日在facebook上載當日拍攝的短片，怒斥片中大媽「5蚊薯仔你都偷？？？」。
短片內附有樓主的旁白講解，當中見到現場生意興隆，大媽排隊付款買淮山後，接過貨品便放入帶備的購物袋，收好轉身後，大媽卻返回菜檔，施施然伸手在旁邊貨架拿起薯仔擺入購物袋內。
相關閱讀：趁街市收檔順手牽羊？ 將軍澳黑衣男疑咁樣偷蒜頭 檔主因一蛛絲馬跡揭發
大媽得手後做「假動作」扮清白
得手後，大媽氣定神閒地抖一抖購物袋，並跟著付款人龍再次排隊，期間郁身郁勢，一時作數散子狀，一時打開購物袋檢查，甚至淘出內裏那袋疑似剛購買的淮山查看。
到排隊至只剩一個身位便到收銀櫃位時，大媽轉身走回貨架附近，低頭為盛載淮山的膠袋打結後，再放回購物袋才漸行漸遠，「正式」離開菜檔範圍。
有網民看不過眼大媽的所作所為，直斥「呢啲真係好賤格！幾蚊嘅嘢都偷，真係要笑下佢」、「好心唔好偷啦，後生仔搵錢好辛苦㗎」。
網民：扮冇嘢企喺度一輪先走
另有人留意到大媽得手後的「假動作」，留言指「佢真係高招，仲要扮冇嘢企喺度一輪先走……真係壞人老了」；樓主也看穿這點，直指「佢想做俾其他人睇以為佢會諗住轉頭俾錢」。有網民則查問「係咪成日都嚟買嘢，順手呀？」，樓主回應指「應該只嚟過2次？？之前對佢無乜印象」。
還有網民趁機講述類似的所見所聞，指「超級市場好多這種人。放啲東西落車仔，平東西俾收銀過數，貴啲嘢不拿上來俾收銀過數。好多這樣人，放食物落自己車仔度…」。
資料來源：Ka Chun Wong (嘉俊)＠facebook
相關閱讀：馬尾女沙田超市偷竊逃至商場中庭求饒 男女店員追至拉扯掙扎 瘋傳求饒片案情曝光↓↓↓↓
網上熱傳有馬尾女子在沙田超市偷竊，她逃至近商場中庭位置，被追至的男女店員截獲捉實，女子當眾極力掙扎求饒，引來不少途人注目。
店家其後報警，警方發言人回覆《星島頭條》查詢時披露案情細節。涉事超市city’super回覆《星島頭條》表示，確認日前有店舖處理一宗顧客懷疑盜竊事件。↓↓↓↓
