崔嘉寶變身YouTuber分享更年期重生記 為李珊珊復出開創「第三人生」 丨獨家

58歲前藝人崔嘉寶重磅回歸，為好友李珊珊的網上頻道《三坐山》主持《Bobo Kingdom》節目。她表明以實淨唔誇張的風格，分享自身更年期經歷，從記憶衰退不敢拍劇到成為YouTube主持，到經營30年豪門師奶的智慧，崔嘉寶用真實故事證明，女性在任何年齡都能破繭而出，開創屬於自己的「第三人生」。 採訪：方騫平

58歲前藝人崔嘉寶由豪門少奶奶變身YouTuber。

崔嘉寶為李珊珊全面復出。

崔嘉寶展開第三人生。

崔嘉寶挑戰做YouTuber。

崔嘉寶重磅回歸。

李珊珊全力經營網上頻道《三坐山》。

崔嘉寶每逢周五晚上8時至9時半主持《Bobo Kingdom》，日前節目錄製時更獲意外驚喜，契細佬衛志豪（Michael）專程探班，問到Michael可會帶埋失婚老友余思敏見下好有正能量的崔嘉寶？Michael覺得有時間便沒問題。

契細佬衛志豪前來探崔嘉寶及李珊珊班。

李珊珊、崔嘉寶、衛志豪好合拍。

李珊珊、崔嘉寶、衛志豪開心做直播。

Michael話有機會的話會帶埋失婚老友余思敏見下好有正能量的崔嘉寶。

李珊珊的網上頻道《三坐山》請來崔嘉寶主持《Bobo Kingdom》節目。

記性差唔敢再拍劇

原來崔嘉寶3年前拍完亞視網劇《逐流時代》後，因記性問題就不敢再拍劇：「可能生咗3個，covid又中過3次，之後又到更年期，記憶衰退。」她最深刻拍劇時即使一句對白都要間晒字做記錄，對白方面構成重要負擔。而轉戰YouTube成為「第三人生」轉機：「今次出返嚟，為李珊珊全面復出！不過，只係做YouTube，因為做YouTuber係靠臨場表現及真實反應，唔使讀稿。」李珊珊強調意義：「崔嘉寶用自身經歷證明，希望話畀女性知，即使上咗年紀，全職家庭主婦都可以跳出嚟。」

崔嘉寶3年前和麥明詩合作拍亞視網劇《逐流時代》，是她息影26年後作品。

年前拍亞視網劇《逐流時代》外景巧遇任達華。

30年前崔嘉寶跟周海媚拍完《情濃大地》後結婚。

崔嘉寶曾係無綫姐仔。

崔嘉寶演《今生無悔》。

22年前靚相。

崔嘉寶古裝扮相。

古典美人。

和鄭大瑞拍《金牙大壯》。

1986年參加港姐。

當時只有18歲。

心煩氣躁潮熱30次

節目中李珊珊邀請專科醫生深入剖析更年期，崔嘉寶毫不保留分享真實感受：「最辛苦4年前一日潮熱30多次，焗到透唔到氣；個心好似坐緊海盜船咁，有分幾鐘離心力。」她形容當時情緒如坐過山車：「經常放大唔好嘢，好易暴躁，所以選擇少出聲，留喺屋企狂做運動，體形意外地變得最fit。」李珊珊聽醫生意見，指更年期某些症狀與驚恐症相似：「潮熱、衰老、心悸呢啲身體變化會身不由己，好多觀眾會有共鳴。」崔嘉寶希望打破社會禁忌：「部分女性覺得潮熱失禮，但我覺得係正常反應，唔介意分享。」

崔嘉寶一家五口生活低調。

崔嘉寶3子女成長後希望重拾社交。

和家人慶生。

一家人相處好融洽。

今年五月崔嘉寶大仔周志仁和李沂結婚。

和老公周文曦互相尊重。

馬德鐘、苗僑偉、戚美珍等為晨㬢副會長周文曦爸爸周謙益97歲慶生。

豪門師奶婚姻哲學

被問及李明慧豪門婚姻風波，下嫁晨曦班主做少奶的崔嘉寶急忙澄清：「唔好標籤係關豪門事，係個別家庭狀況。而且我唔係嫁入豪門，只係生活比較安定，我哋好樸實食茶餐廳㗎咋！」她分享獨特婚姻觀：「兩公婆一定要互相尊重，結婚唔代表完全擁有對方，只係一對有承諾嘅partner繼續行人生。」她更有一套的「空間理論」：「我畀老公好大空間做自己鍾意嘅嘢，佢會開開心心唔覺受束縛，娶老婆唔係受綁，而且要投入家庭身份，做老婆同媽媽唔係乜都要人遷就，要付出先，以大局為重，各行一步。」對於婚姻危機感，她淡然處之：「如果日日擔心點生活呀？過分管束檢查電話，感情只會變差。」李珊珊幽默插話：「冇錢都有女啦！」復出工作意外為崔嘉寶婚姻注入活力：「老公驚喜發現我有轉變，佢話好似返去初相識時候！讚我個人開朗及溫柔咗，連思想都開闊咗。」另外，作為昔日「銀河十星」之一，與郭富城、邱淑貞同期出道，許志安的初戀情人，崔嘉寶對「偶像犯錯」話題別有見解：「偶像都係人，唔會24小時完全做啱嘢，至少畀機會佢哋認真改過。欣賞演出同才華已OK，追星係開心正能量嘅事。」

當年「銀河十星」郭富城、邱淑貞、邵仲衡、李中寧、林穎嫺、胡越山、李婉華等受TVB力捧。