有的士司機送羊入虎口，在新蒲崗登上巴士理論時，遭車長秒閂門車走，的士慘情徬徨獨留馬路。不少網民想起約10年前的同類名場面，笑言「歷史總是在循環」、「10年後終於有續集」。詳情見下圖及下文：
的士司機送羊入虎口 新蒲崗上巴士理論兼做一事 遭車長秒閂門車走逐張睇↓↓↓↓
樓主：的士佬唔知同巴士佬嘈咩
樓主本月13日在社交平台Threads以「的士佬」為題上載短片發帖，並講述事大要——「的士佬唔知同巴士佬嘈咩，衝上巴士用手機影巴士佬，俾巴士佬關門，一啖油門車走咗，個樣好Ｘ慌張」。
樓主並好心提醒獨留路中的的士車主，指「呢度唔泊得車㗎，快啲返嚟揸返走你部的士啦」。
現場為新蒲崗，短片在路旁拍攝，見到相信是的士司機的男子登上巴士，車門接著關上，巴士揚長而去；的士司機「被困」巴士上，疑似在車窗張望；鏡頭一轉，即見到馬路旁一輛的士人去留空，慘情徬徨獨留馬路邊。
相關閱讀：婦人堅決2蚊搭巴士累停駛 手晒「這咭」舌戰乘客：「我嚟就係2蚊！」網民嘲：呢張咭要畀全費
網民大肆調侃：拍八達通
對於的士司機登門理論，反而被巴士秒速載走，網民都爆笑回應，有人指情況「咁搞笑！」，有人指巴士車長「呢招絕！」。
另有網民食花生，大肆調侃「拍八達通啦！」、「要嘟咗八達通先」、「上車俾錢呀」、「入錢！ 即刻入錢！」、「幫手叫拖車啦」。有人更加笑言「會唔會係的士司機趕時間但又截唔到的士，所以撘巴士啊！」。
網民好奇巴士上情況
還是有人一人一句好奇巴士上的情況：
•嘩，經典，好想要車上POV（Point of View縮寫，視角）；
•有冇人喺巴士拍返的士佬個反應；
•好想睇乘客喺架車度拍嘅片；
•有無乘客有車上片段？
•有無巴士佬視角？
•我等緊車上POV；
•求下文。
連樓主也留言「我而家只係希望一樣嘢，大家見到有乘客POV嘅片or（或）的士有片，記得share（分享），Million thanks（萬分感謝）」。
涉事的城巴為行走將軍澳和新蒲崗的797號線，有網民指出，「呢架車返康城」、「車佢入將軍澳」、「呢個位係咪新蒲崗，轉埋出去太子道東」。樓主則表示，「Check（查）咗啦，中間有站，如果直隊返TKO（將軍澳）都幾刺激」。
相關閱讀：巴士大媽手機太大聲被阻舞手機欲打車長 兩番圖施襲 車長：「香港嚟㗎，有文化㗎！」
網民想起10年前巴士名場面
就著事件，樓主和網民也聯想起約10年前，巴士請君入甕的名場面，當時同樣有一名的士司機登門理論，被巴士車長瞬間車走。樓主在帖文中指「經典重現，就在我面前」；不少網民也想起當年，笑指：
•經典重溫；
•熟悉嘅劇情；
•歷史鏡頭重演；
•竟然有第二季；
•歷史總是在循環；
•的士大佬2.0.mp4；
•兩位都向前輩致敬；
•歷史這般的相似…；
•10年後終於有續集；
•經典重現 載譽歸來；
•人類總是犯相同的錯；
•歷史總是驚人的相似；
•舊日條片睇一次笑一次；
•點估到竟然有經典復刻版⋯⋯
Threads截圖（資料來源：tylerli＠Threads）
相關閱讀：巴士收款機故障車長表示「唔使畀」 全車乘客1行為盡顯港人高質 目擊者驚讚：冇一個人走數！↓↓↓↓
有網民搭巴士罕有遇到兩部收款機同時故障，車長雖向上車乘客表示「唔使畀」，但全車乘客最終卻無一人走數，目擊網民驚讚港人高質：「香港人嘅高質有時係喺小事到反映出嚟！」。以下為事件經過↓↓↓↓
