4名乘客早前在一輛巴士上撞衫撞到嘭嘭聲，加上打扮和坐姿幾乎倒模一樣，4名陌生人秒變4胞胎的相片在網上瘋傳。不少網民也趁機分享其他市面上見到的嚴重撞衫相片，場面有趣。詳情見下圖及下文：
巴士男撞衫撞到嘭嘭聲 4大特徵陌生人秒變四胞胎逐張睇↓↓↓↓
樓主：4個唔識
樓主本月4日在社交平台Threads以「香港男生」為題上載相片發帖，留言指「港仔Typical look（典型外觀），黑Tee（T恤）+灰短褲+白長襪+Airpods（無線耳機）。p.s.（附言）4個唔識」。相中聚焦巴士上層前排左邊，4名剛好坐於座位外排的男子，不約而同地作同一打扮。
除了樓主形容的「黑Tee+灰短褲+白長襪+Airpods」外，還有好眼力的網民發現「仲有兩邊鏟青」、「仲要3條褲款式都一樣」、「都係要叉隻腳出去坐」、「仲有隻腳都係無位放，要放出嚟」、「4個都差唔多身型」；另有人卻另闢蹊徑找出了不同處，指當中「有1個戴帽」。
相關閱讀：暴雨巴士奇景 女乘客「粉紅色不見天物品」晾扶手 網民嘴藐藐：見過阿叔晾底褲
樓主：好似中咗六合彩4個字咁
由於相片太過不尋常，於是有網民懷疑「係咪P圖（改圖）嚟㗎，咁啱個個一模一樣咁」，獲樓主現身澄清「真係原圖Blur（模糊）咗少少側面樣直出，無P」。
其他網民也嘖嘖稱奇，形容是「失散多年既4兄弟」、「四星連珠」、「多重影分身術 」、「男人的浪漫，要灰色衫、短褲、白長襪同AirPod仲要直一排」、「無血緣，但係品味接近過屋企人」、「奇景！咁都俾你俾你撞到 」，於是樓主笑言「好似中咗六合彩4個字咁」。
網民批評港人衣著悶蛋
港人衣著不時被批評清一色，有網民便乘機吐槽一下悶蛋的穿衣風：
•唔知係咪因為香港幾乎都係連鎖店，香港人啲打扮越嚟越無個人特色，全部都著制服咁一式一樣，以前睇《YES！》（雜誌）啲街訪，專搵啲衣著打扮特別嘅人受訪，真係好多元化；
•自從香港人迷韓風之後，好多香港人著衫就一式一樣。廿年前條街唔係咁，好多唔同Style（風格）。；
•所以話喺香港做時裝係無前途，同一樣嘅著法，同一樣嘅品味。
資料來源：filandzen＠Threads
相關閱讀：巴士冷氣口當私人風筒 女乘客舉手狂吹一貼膚物品 網民傻眼：唔係啩？↓↓↓↓
一名坐於巴士上層的女乘客，早前懷疑公器私用，把巴士上的冷氣送風口當成私人風筒，單手舉起狂吹一貼膚物品。其自私舉動嚇壞網民，有人驚嘆：唔係啩？↓↓↓↓
