有港女自爆網購奇聞，因為店家的「慷慨」，從此變身「百潔布富翁」，並揚言「年年中秋送月餅，今年轉送百潔布」。網民大肆調侃事件，有人嘲笑這400嚿百潔布可傳足3代人。詳情見下圖及下文：
父$17網購40塊驚變400塊!? 港女變百潔布富翁：中秋轉送百潔布逐張睇↓↓↓↓
樓主：足足有400嚿（10*40條）
樓主早前在社交平台Threads以「百潔布富翁」為題上載大箱百潔布，和買兩份20個裝百潔布（共40塊）網購畫面的圖片發帖，並發長文表示：
「見到老豆拖住大半個人咁高箱嘢返嚟，心知不妙。佢堅稱唔關自己事。me（我）: 全屋得你用淘寶，唔通關我事。
一打開崩潰咗，一大片黃色幾護眼，數過足足有400嚿（10*40條）。咁開心即刻send（傳）俾frd（朋友）求救散貨。然後個個都恥笑mode（模式），仲即刻改埋chat nickname（聊天綽號）——『每日即棄都用超過一年』、『可以刻兩副麻雀開兩檯』、『仲可以拎落樓做埋關愛隊嗰份』、『勁似泰國椰汁糕』、『送俾鄰居打好關係』」。
樓主最後補充「年年中秋送月餅，今年轉送百潔布有無得諗」。
網民疑送百潔布錯款式
有好眼力的網民發現，網購挑選的是腰型款，但開箱後見到的是疑似長方款，稱「都唔係腰形，佢發錯貨喎」、「都唔係腰型裝嘅？佢寄錯咗貨俾你喎」、「係好似寄錯款式俾你爸爸喎，佢係要腰型款」。
於是有人查問「因為貨不對辦所以賣家假1賠10？直接俾夠400你？成件事好怪雞」。樓主也不明白店家操作，回應稱「我都唔知，淨係知全家對住箱嘢笑咗勁耐」。
有人笑言，「人死布還在，400嚿傳3代？！？！？！」、「聖誕party（派對）交換禮物換走佢」、「抵到爛，中秋送完到聖誕禮物，唔使諗」、「等多陣先，就快有xmas party（聖誕派對），如果公司有春茗你仲可以友情贊助添」。
對於如何處理這海量的百潔布，不少網民作出具建設性的建議：
•入信箱一人一嚿派晒佢啦；
•想知可唔可以黐埋一齊整張床褥出嚟；
•都可以砌張床，或者貼在窗度，可以做隔熱；
•攞去啲會派飯嘅鋪頭，話捐俾佢哋，派飯時順便派埋佢啦；
•笑死，攞落樓下管理處，之後寫個free（免費），第2日應該無晒；
•寫個名上去個百潔布上面，然後喺條街度派，分分鐘區議員你都選到。
還有人附圖稱「世伯想夜晚打牌唔好嘈親人啫」、「可以做兩副無聲麻雀….」、「可以整安靜版麻雀」、「可以開到兩枱麻雀」。
有人則好言安慰樓主，指「1毫子買3嚿，勁呀」、「$17.19有400嚿！？抵到黐線」、「實現百潔布自由，贏咗好多人」、「即棄都唔使18蚊一年，好抵」、「日日換百潔布，乾凈又衛生」、「擺得嘅，慢慢用囉！或者，可以唔使慳住用」、「如果屋企日日都要洗碗，一星期用一嚿，好快用晒㗎咋」。
網民自述網購發貨奇事
另有人自述各式網購發貨奇事：
•哦，我試過淘50隻膠碗，佢送咗500隻嚟，而加仲有300零隻喺度。百潔布 + 膠碗中秋禮盒，有無得諗。
•阿媽淘寶買儲物盒仔，賣家發錯貨，變咗60枝牙刷⋯⋯重點而家得阿媽一個喺香港，60隻牙刷當一個月換一隻都要用5年；
•試過買M巾（衛生巾）3包點知送咗3箱過嚟，用到停經都未用完；
•我試過買1 set（套）3個拉鍊網袋仔，8蚊人仔但佢送咗8 set嚟，大中細一set加埋有24個，啲網袋到家陣仲喺屋企寄存中；
•我屋企人試過買3包Granola（燕麥脆片），點知送嚟個時勁大箱，結果買咗33包，總數3000幾蚊，我問佢點解你俾錢個時唔發現，佢話：因為係俾美金幾百蚊無為意，笑死我。Granola買幾千蚊都係一個奇景。
資料來源：wanyuen＠Threads
相關閱讀：網購300磅大雪櫃禍不單行 苦主爆集運公司5宗罪 送貨撞爛燈又爆玻璃 仲教賤招向商家卸膊↓↓↓↓
有市民在網上購買了一個逾300磅的大雪櫃和另一個櫃，集運期間卻禍不單行，送貨時撞爛屋苑照明燈賠錢500元不特止，在狼狽送雪櫃入屋時，負責運送的司機又懷疑撞爆雪櫃玻璃。事主追討損失期間，涉事的集運公司更加教授賤招向商家卸膊，企圖將賠償責任推向對方。
事主看不過眼，7月6日在facebook群組「香港集運苦主群」以「網購大型電器／傢俬教訓」為題，上載相片發警世帖文大爆事件，以自身的教訓提醒網民「用私人集運真係要加倍小心」↓↓↓↓
