藝人葛文輝遇上交通意外，幸有驚無險。昨晚（31日）11時許，一輛平治房車沿灣仔港灣道往金鐘方向行駛，途至菲林明道交界「十字路口」時，遭一輛沿菲林明道往灣仔海皮方向的混能私家車撞個正着，左邊車頭輕微損毀，安全氣袋爆裂。現場所見，平治內的乘客為葛民輝。混能車損毀嚴重，男司機報稱頭及嘴受傷，由救護車送律敦治醫院治理。
據了解，葛民輝昨晚與友人在附近欣賞完舞台劇準備離去，惟座駕泊在會展附近，路程較遠，故由其友人駕駛平治，載他前往取車，未料途中發生車禍。車禍後，葛所乘坐的平治房車停在路邊圍欄前，僅左邊車頭有輕微損毀，而混能私家車則橫亙路中間在黃格禁區內，車頭損毀嚴重兼漏油，機件散落一地，警方在現場鋪上木糠吸油。警方正調查車禍成因，不排除有車衝燈肇禍。
撞車後，身穿T恤牛仔褲的葛民輝自行步出車廂，其後前往取回自己座駕，離開前接受記者訪問，講述車禍經過和感受。 他說，由於演出舞台劇的場地泊車位不足，故將座駕泊在較遠處，豈料「咁斜釘」遇上事故。
被問到有否在車禍中受傷，葛民輝打趣道：「如果有嘢就唔喺度喇！」又形容車禍一刻就像電影《FI》般，「嘭一聲囉，好似拍戲咁」，指自己當時沒有驚慌，「唔會驚，到咗呢個年紀，唔會驚嘞」。
他說，估計對方私家車司機沒有為意會撞車，據知已被送往醫院治理，「佢郁得下嘅，自己落到車，但行唔到路咁解」。
記者問他：「總之唔係你衝燈先？」葛民輝笑道：「呢啲等阿SIR講啦，你叫我講喎….我唔講得。」又憶述指：「菲林明道天橋有架私家車落緊嚟，可能佢唔留意，誤會咗個燈號就…冇乜嘢嘅！」他又向記者展示友人的平治，一邊指著已爆出的安全氣袋，一邊說：「好安全嘅車，咁樣都有事就死得架喇！幸好無事，但啱啱走咗嗰架車就大劑啲。」
