不時聽聞有乘客在的士上嘔吐大作，把的士嘔成災場。近日便有人情急智生，在無隨身攜帶膠袋的情況下，把倒轉的雨傘替代，成功阻止一場的士嘔吐災難。詳情見下圖及下文：
美孚醉娃搭的士狂嘔 男友雨傘充嘔吐袋力保車廂乾淨逐張睇↓↓↓↓
樓主嘔喺把遮度
樓主本月19日在社交平台Threads以「有圖慎入」為題，上載一張嘔心相片發帖，指「話說噚晚飲完酒喺的士頂唔緊，身上無膠袋又唔想整污糟司機大佬架車，男朋友靈機一觸叫我嘔喺把遮度，又幾聰明…」。
樓主及後在回應欄上載「後話」，自爆「本身男朋友想掉咗把遮佢，但佢話無乜公德，一陣人哋拎咗一開咪中晒招…拎咗把遮返屋企。我又唔想就咁浪費咗把遮，結果洗乾淨咗繼續用得返」。
網民：將物盡其用表現得淋漓盡致
有網民似乎認得現場為美孚新村，查問「美孚？」、「係唔係美孚？我好似見到你哋」。
網民對樓主的嘔吐情節大感震撼，留言「大癲，仲要透明」、「你哋將物盡其用呢4隻字表現得淋漓盡致」。另有人想像力豐富，指「剪咗個尖頭可以唧花」、「拆咗個頭就可以吱啲cream（忌廉）出嚟…」，笑言「樓主啲忌廉幾特別」。
相關閱讀：踩著嘔吐物搭港鐵 兩女乘客唔怕核突坐低慢慢傾 網民推斷：佢哋想ＸＸ
網民：我老婆嘔滿運動水樽
有網民則分享在公眾地方嘔吐時，使用不同盛器的經驗：
•我都試過條女嘔晒落我個袋到；
•上年我老婆嘔滿咗我個運動水樽；
•你好嘢，我試過開窗嘔出去，嘔落遮真係估你唔到；
•我朋友上次搭的士太有公德心，嘔咗落自己個手袋度。
還有人稱讚樓主「好在無亂丟。一陣執垃圾啲婆婆執咗嚟用就陰功」；並教路日後在「銀包攝個保鮮袋」。
資料來源：peppaphoebe＠Threads
相關閱讀：四眼男「核災難級別」式狂嘔 的士後座噴滿嚇人啡色嘔吐物 手持一物最搶鏡↓↓↓↓
一名四眼男乘客早前乘搭的士期間，懷疑作出「核災難級別」式的狂嘔，嚇人的嘔吐物滿布車廂後座，椅上、地上都沾滿啡色物體，儼如災難現場。事後，男子手持的一件物品很是搶鏡↓↓↓↓
四眼男拿著少量紙巾
樓主5月1日清晨6時許，在facebook群組「車cam L（香港群組）」以「你攪乜X嘢呀…」為題發帖上載相片。從相片中感到，四眼男的作嘔情況仍然意猶未盡，手上拿著少量根本包不下嘔吐物的紙巾，胃部卻似乎仍在翻騰著；紙巾與嘔吐物強烈的對比很是搶鏡。而四眼男身旁的椅子上，除有密集的啡色物體外，還反轉放有一個裝上白色機殼的手機，和一團紙團。
在的士上嘔到七彩，回應的網民驚呼「好核突，睇到圖都有味道」。有人形容為「歡樂噴泉」，嚴重程度是「核彈級數」、「核災難級別！」。有網民細心觀察災場環境，指「佢係全個地下同埋座位（嘔），真識揀，全部都中晒」、「好似啲貓狗打瀉了主人的避風塘炒蟹」，有人琢磨嘔吐物的原形可能是「Pizza（薄餅）材料」、「Pizza放題」。
不少網民都替的士司機不值，擔心影響生意之餘還要花費清潔——「清潔貴過車程」、「洗完都有陣味」、「成晚唔使接客」、「隔住個Mon（熒幕）都覺得臭」、「佢又識得嘔隔離喔，睇下佢個身幾乾淨」、「成晚咁就俾咗佢 ! 下更都唔知點算，嗰浸酸餿味繞樑三日」、「嘔到咁樣，通風都唔知要通幾多日呀，水浸咁，都仲未計心理陰影」、「究竟搞乜嘢可以去到咁嘅情況？我自己都揸車搵食，最怕遇到咁樣」。
四眼男「核災難級別」式狂嘔 的士後座噴滿嚇人嘔吐物逐張睇↓↓↓↓
