胡孟青
小妹有\u63f8車，亦係的士常客，關鍵在於要睇有幾趕時間及計唔計得掂數，搭的士就係用錢買時間。
香港地停車場收費貴，繁忙時間排隊入停車場，那種有如等運到的感覺，更是費時失事，好多車主都試過泊完車還要走一大段路程才到達目的地，大熱天時行到汗流浹背，\u63f8車反而遲到，小妹試得最多。搭的士等同以金錢買時間，的士點對點，有時不需要特登用App叫車，只是偶爾需要過海，不想因跟不願過海之的士司機糾纏。儘管有朋友會認為，只要你跳上車，想去邊，的士不能拒載，老實說，將心比心，假如對方趕交更或有急事，亦冇必要強人所難，用App叫車，願者上釣，大家Win Win最Happy。後生仔不肯入行\u63f8的士，甚至寧願\u63f8巴士，起碼有固定收入，又有員工福利，更凸顯的士司機高齡化的問題，科技應用是為人類解決問題、醫痛點，網約車平台應科技而生，配對效率大大提升，司機和乘客都有了更多選擇，司機減少兜到\u6530，更節能減排。
冇比較冇傷害，有競爭才有進步。不少朋友網約叫車，更愛選擇的士而非私家車，因為的士司機普遍更熟路，掌握路況能力高，的士牌始終要考試。呢個世界好現實，如果的士冇生存空間，早幾年Uber就唔會收購HK Taxi。
一樣米養百樣人，態度係痛點。無論如何，以禮待人，到處通行，駕駛態度及待客之道並重。求財非求氣，萍水相逢也是緣，搭一程車\u556b，想通了就海闊天空。伸手就截到，點對點，邊個夠佢方便！
