香港天文台前日（14日）早上一度發出黑色暴雨警告信號，一名到雲南香格里拉旅遊後，乘坐飛機由昆明回港的女乘客正經歷「人生第一次在黑雨下降落」。
由於受天氣影響，航班在空中兜圈1小時，女乘客心驚驚擔心發生九霄驚魂，坦言「真係有諗過寫定last words（遺書）」，不過最後因為一事而決定改寫另一封信。詳情見下圖及下文：
黑雨下遊機河1小時 港女心驚驚：諗過寫定遺書逐張睇↓↓↓↓
樓主：架飛機喺空中轉圈轉咗成個鐘
樓主前日早上11時在社交平台Threads以「黑雨」為題，上載短片及相片發帖，指「人生第一次黑雨landing（降落），架飛機喺空中轉圈轉咗成個鐘終於land（著地）到，多謝captain cabin crew（機長和機組人員）同埋其他乘客」。
相關閱讀：黑雨襲航機乘客憑1物合力擋暴雨 坐第一行首當其「沖」 網民：好慘
樓主：真係有諗過寫定last words
樓主及後在回應欄補充：
•「想講原本聽到廣播話香港黑雨，真係有諗過寫定last words（遺書），不過機長真係揸得好平穩，同埋佢係咁轉圈啲風景都幾靚， 所以都還好！」
•「轉圈嗰陣應該喺比較高嘅地方，可能高過啲積雨雲（？），越轉越落就見到勁多霧，乜都見唔到」。（樓主另有上載遊機河時的藍天短片）
•「大雨到…但係機長land（降落）得勁smooth（安隱）同埋啲crew勁好安排乘客喺飛機停定安全嗰陣排隊去toilet（洗手間）。係咪可以寫thank you letter（多謝信）去航空公司㗎？」。有網民回應稱「可以寫appreciation letter（感謝信）！講係邊班機」。
相關閱讀：泰國返港航班起飛半小時即出手 「飛機老鼠」疑開袋被撞破 乘客提醒注意兩大狡猾重點
網民：咁樣轉唔會好頭暈咩？
得知樓主順利及落後，回應的網民安心地指「最緊要平安無事」；另有人稱「真係會嚇餐死呀」。
有人則好奇查問「咁樣轉唔會好頭暈咩？睇落好驚險，你好勇」；樓主回應指「如果唔望窗口feel（感覺）唔到轉緊圈！多謝你！不過我哋係飛到一半先知香港黑雨」。根據樓主上載的截圖，估計當時正乘搭中國東方航空「MU9623」，由昆明飛返香港的航班。
還有網民形容樓主「這趟是驚險版的『空中遊覽』啊」，更有過來人稱「我試過幾次，好刺激」。
資料來源：riopseistar＠Threads
相關閱讀：8月14日各區黑雨實況｜噴泉水簾洞激流瀑布樣樣齊 南區網民搭巴士變搭滑浪飛船↓↓↓↓
黑色暴雨再度來襲。香港天文台於8月14日早上7時50分改發黑雨暴雨警告信號，多區水浸，街頭出現不少噴泉、水簾洞、激流和臨時瀑布奇景↓↓↓↓
