有大埔村屋在黃色暴雨下大水浸，黃泥水登堂入室，住戶在網上呻爆情況「超級恐怖」。有好心的網民於是建議搬到這區做街坊，指這裏「之前排洪、黑雨、10號風球乜事都無」。詳情見下圖及下文：
大埔村屋黃雨大水浸 住戶呻爆：超級恐怖逐張睇↓↓↓↓
樓主：玩咗我7個幾鐘
樓主本月3日傍晚6時許在社交平台Threads上載相片發帖，勁呻「大佬，噚晚黃色暴雨，然後我成間屋浸到咁，ＸＸＸ想點，玩咗我7個幾鐘，又屎又泥，以為搞掂，點知雪櫃、洗衣機、櫃全部都仲係，Ｘ，想原地爆炸，但忍住了」。樓主在回應欄補充地點，指是「大埔啊」、「林村嗰邊啊」、「我哋3個人慢慢清」。
相關閱讀：冒黃雨推輪椅乘客落巴士 「柔情車長」一句話融化港女 網民：見過佢細心關顧推BB車媽媽
網民崩潰和應 成屋嘢浸晒勁想喊
回應的網民感同身受，上載自家屋企水浸的相片和應「大埔too（也是）＜—＞崩潰」，有人發長文安慰：
「兩年前黑雨經歷過好理解你心情。嗰晚好激啲水唔知邊到湧入嚟，啲雜物沖到周圍都係，大門開唔到，隔籬個阿叔勁大力推先開到走到。睇住成屋嘢浸晒勁想喊，如果係租屋同業主傾下有冇得免租1個月，之後滿約好搬走啦，搵啲2、3樓住。我fd（朋友）住大窩村（元朗錦上路）都浸到Ｘk。木櫃嗰啲唔要得㗎啦，啲污糟水浸過好易有白蟻，勁多嘢要唔得，係咁扔，清潔記得戴手套戴口罩，地板買幾支滴露清潔」。
有網民也建議「收拾時要小心，著水鞋戴手套」、「買啲臨時防水閘／沙包，用住頂下先」、「有時諗緊，住緊嘅單位要準備定個潛水泵喺屋企看下門口，有乜事都好，可以泵出窗外！」。
網民：好大鑊 樓主：超級恐怖
不少人對樓主寄予無限同情，指「陰功」、「好大鑊」、「慘慘慘吖」。在回應「好嚴重」的留言時，樓主坦言「係，超級恐怖」。另有人關心到「嘩，如果有養細狗浸死都似⋯」、「有動物真係好驚，同埋地下啲電位」，樓主也回應稱「係啊」。對於樓主提到「又屎又泥」，有人好奇提問「屎？」，知情的網民回應「一定有的，化糞池」。
相關閱讀：暴雨巴士奇景 女乘客「粉紅色不見天物品」晾扶手 網民嘴藐藐：見過阿叔晾底褲
粉嶺街坊「拉客」：搬嚟粉嶺啦
針對村屋，有網民提到「村屋有得揀絕不住地下」、「所以為甚麼3樓最貴，不過天台也會水浸，可能2樓最安全」、「大埔一落大雨就係咁，唔好租地下，租啲地高少少嘅」、「所以話村屋location（地圖）好重要」、「我friend（朋友）住林村十幾年，都未試過咁誇張」。
另有人建議「大埔好多雨水，住村屋要住汀角路嗰邊高地，唔係落豪雨好大鑊」；還有粉嶺街坊「拉客」，表示「搬嚟粉嶺啦，之前排洪、黑雨、10號風球乜事都無」；有人更加補充「山竹（2018襲港的超強颱風）都冇事」。
資料來源：_kalok.f＠Threads
相關閱讀：將軍澳暴雨下飛瀑奇景 香港單車館4瀑齊飛 網民：大瀑布單車賽↓↓↓↓
本港連場暴雨，將軍澳8月2日早上在暴雨下出現飛瀑奇景，香港單車館外4瀑齊飛，澎湃又壯觀。樓主今早8時11分在facebook群組「將軍澳主場」以「香港單車館」為題上載短片，留言指「早晨！單車館嘅瀑布」。詳情見下圖及下文：
將軍澳暴雨下飛瀑奇景 香港單車館4瀑齊飛逐張睇↓↓↓↓
