佘詩曼主演的電視劇《新聞女王2》早前煞科，她今日（2日）以代言人身份到金鐘出席美容店開幕活動，她表示劇集拍了幾個月，好久沒有出席公開場合。問到是否已放下「Man姐」？她說：「唔捨得地放下，同成班團隊奮鬥咗幾個月，畢竟經歷咗兩輯，大家嘅感情深厚咗，都成熟咗，好唔捨得。」
佘詩曼放假煲戲刨劇
佘詩曼指《新聞女王2》有場戲講她離開公司，排戲時已經頂唔順：「因為朝夕相對，劇情有講我哋創業要離開公司，我同王敏奕同其他演員都忍唔住（喊）。」提到她6月時拍劇時耳仔入水，佘詩曼表示問了很多人，得出「側頭瞓」的解決方法，故第二日痊癒，「拍咗成日落水戲，仲要個頭落，入咗十幾廿次，撞晒啲水入去，最驚係過幾日又要拍，後來OK嘅，可以帶耳塞用頭髮遮住。」她指稍後放一個月假，「Hea吓先同睇戲，之前因為拍劇工作錯過咗好多戲同劇集，想享受吓家庭樂，陪吓媽咪同細佬。」問到《新聞女王2》何時播出？佘詩曼表示不知道，她也想知，現時監製正忙着剪片，同時認為不應受時間限制，最重要是出來是最好的版本。
佘詩曼表示，剪片部份她沒有給予意見，但會去看，想看自己拍了幾個月後出來的成績。提到若年底播出再衝擊視后寶座？佘詩曼說：「而家十劃都未有一撇，（會唔會想再大滿貫？）其實已經好滿足，會唔會錦上添花就遲啲先講，最希望都係觀眾、網民鍾意，劇集受歡迎，呢個已經當攞獎。」
佘詩曼拍劇工作了幾個月，表示好久沒有出席公開場合。
佘詩曼主演的電視劇《新聞女王2》上月煞科，她（2日）以代言人身份到金鐘出席美容店開幕活動。
佘詩曼6月時拍劇，耳仔入水，她上網求救。
佘詩曼唔捨得「Man姐」一角，畢竟經歷了兩輯時間。
問到《新聞女王2》何時播出？佘詩曼指監製正忙着剪片。
她稍後放一個月假，「享受吓家庭樂，陪吓媽咪同細佬。」
佘詩曼表示《新聞女王2》剪片部份她沒有給予意見。
佘詩曼以代言人身份出席美容店開幕活動。
佘詩曼《新聞女王2》早前煞科，大家嘅感情深厚咗，都成熟咗，好唔捨得。
