一名港男日前在元朗乘搭巴士期間丟失錢包，內裏的八達通卡慘被盜用。賊人竟然靠一神操作，先行替八達通「自動增值」178.3元後，才到便利店狂嘟281元。詳情見下圖及下文：
元朗港男八達通慘被盜用 賊人靠一神操作「自動增值」逾百元逐張睇↓↓↓↓
樓主上載交易記錄截圖
樓主7月30日下午在社交平台Threads以「拾遺不報」為題上載八達通App內的交易記錄截圖發帖，指「拎咗人哋個銀包，用埋人哋個補貼，用埋人哋啲錢，個人八達通嚟㗎，有冇良心」，並附地點標籤「朗屏巴士總站…K66線」（編按：K66為港鐵巴士(新界西北)朗屏至大棠黃泥墩村）。
樓主在回應欄補充，「28/7唔見，入完$100落車就喺巴士度跌咗個銀包，當時已經即刻cut（取消）卡，希望偷嘢嗰條友睇到有返啲良心啦」。
相關閱讀：小心！八達通離奇收款$500 伴隨威嚇退款電話 事主求救網民疑新型騙局 官方回應教咁處理
交易記錄直擊賊人盜用過程
交易記錄截圖直擊賊人懷疑盜用八達通卡的過程，當中見到樓主7月28日早上7時52分為八達通增值100元後，一直到當日晚上11時15分，有人拍卡領取178.3元「交通費用補貼」，17分鐘後，於當晚11時32分於一間OK便利店狂嘟281元。
回應的網民也替樓主緊張，紛提醒盡快報警和報失八達通卡，有人強調「一定要報警，唔好嫌麻煩」。樓主留言表示已報警和報失：「28/7嗰日已經報警同埋cut晒啲銀行卡」、「唔見銀包嗰日報咗一次，知道佢用咗張八達通，再報多次」，並解釋略遲報失八達通卡的原因——
「見好多人問點解唔即刻報失張八達通，其實我都有諗過，但係有少少賭嘅成份。喺巴士站行返上上層睇同問埋站長，見搵唔到銀包嗰下都估到俾人拾咗。就只係想睇下個人會唔會用張個人八達通，報警都起碼知邊個喺邊度用咗。唔係鼓勵大家好似我咁」。
另有網民留言指「香港係咁，你唔好以為好多好人」，樓主回應：「唔理係唔係好人，但一定係一個貪心嘅人」；還有網民好奇「OK買280幾蚊係買咗啲乜」。
相關閱讀：八通達增值離奇變「減值」？！夫婦便利店增值$200 八達通反減剩$14 7-Eleven回應公開最新調查結果
樓主附薄酬尋失物
在丟失錢包後，樓主已在Threads上載同款卡銀包，發帖跟進情況尋找失物：
•尋失物帖文一（7月29日凌晨2時07分）：
巴士失物 #唔見銀包。28/7朝早（7:50am～8:10am左右）喺蝶翠峰搭（K66）去朗屏站，喺朗屏站上層落車嘅時候跌咗個銀包，淺啡色男士卡銀包。身份證、銀行卡、有相片、八達通同遊戲卡，希望得到人士聯絡自己，薄酬謝謝！ 巴士失物 #唔見銀包。
•尋失物帖文二：（7月29日下午5時08分）：
巴士失物＃唔見銀包。28/7朝早（7:50am～8:10am左右）喺蝶翠峰搭（K66）去朗屏站，喺朗屏站上層落車嘅時候跌咗個銀包，淺啡色男士卡銀包。身份證、銀行卡、有相片、八達通同遊戲卡，希望得到人士聯絡自己，薄酬謝謝！今日查到有人拎咗八達通補貼，希望拎咗嗰位人士交到警署，謝謝。巴士失物#唔見銀包SECRID。
•尋失物帖文三（7月30日下午2時36分）：
28/7朝早（7:50am~8:10am 左右）喺蝶翠峰搭（K66）去朗屏站，喺朗屏站上層落車嘅時候跌咗個銀包，淺啡色男士卡銀包［SECRID］身份證、銀行卡、有相片、日本交通卡、個人八達通同遊戲卡！噚日查到有人拎咗八達通補貼去咗OK（便利店）用晒啲錢。今晚會去警署報案，拾遺不報使用他人財物，希望拾到嗰位人士仲有少少良心，請將所有嘢交去元朗警署。謝謝。
•尋失物帖文四（7月30日晚上7時29分）：
朗屏巴士總站…K66線，28/7喺早上7:55-8:10朗屏站拎咗人哋銀行銀包（淺啡色男士卡銀包［SECRID］）嗰位人士，希望你有返少少良心。錢你洗咗都算，證物好心你俾返人啦。
八達通報失服務
八達通官方網頁提供報失服務，只須提供身分證明文件號碼及出生日期，便可報失八達通。不過，八達通報失服務只適用於個人八達通、八達通自動增值服務及已綁定八達通用戶；並要留意，失主需付50元報失八達通服務費（包括手續費及該八達通之成本費），收費將會從該八達通按金中扣除。
資料來源：ma_naaaa_017＠Threads
相關閱讀：八達通增值小心！大埔驚現「搶拍卡黨」 趁事主便利店增值飛身搶拍卡：「我大聲問佢做乜，佢話…」↓↓↓↓
八達通增值小心！多名大埔網民今年3月18日先後在網上留言，指在便利店增值時，遇到有人等職員按掣後，「飛身走埋嚟拍咭」，企圖混水摸魚，有事主即時喝止：「大聲問佢做乜！」結果換來對方以下回應↓↓↓↓
