有女網民和妹妹在羅湖過關後，坐港鐵時遇上一名身材肥伴的大叔，該大叔為了逼兩姊妹讓座，除以「廢青」嘲諷她們外，更刻意「郁來郁去」，網民質疑舉動可能有性騷擾嫌疑。
肥大叔偕妻港鐵逼兩姊妹讓座 嘲諷女事主「廢青」 再「咁樣」郁嚟郁去 網民質疑有性騷擾嫌↓↓↓↓
女事主在社交平台分享今次「嬲爆」經歷，她表示和妹妹去完羅湖，過關後搭乘港鐵，兩人並非坐在關愛座，當時「妹妹隔離就剩低一個位」，數分鐘後一名「肥佬」偕老婆「行埋嚟」。她表示，「呢個肥佬就坐低，佢老婆就冇位坐」，這時，「肥佬望住我同妹妹，跟住同佢企喺度嘅老婆講：『唔通我哋企足45分鐘？點解依家咁Ｘ多廢青？真係廢青。』」
女事主：佢專登郁嚟郁去
女事主現場沒有即時反駁他，但在帖文中申辯：「首先我哋唔係坐關愛座，我哋都係畀四十幾蚊去坐地鐵；其次你唔係老幼殘孕，都唔知你有咩資格話我同妹妹廢青？」女事主批評「肥佬」：「唔識自己讓位畀個老婆坐？要自己個老婆拎住大袋細袋企喺度，自己就坐低同我哋一齊做廢青。」
女事主堅決不讓座：「廢青又點，邊條明文規定唔可以做廢青？我就要做廢青！！關你Ｘ事？」她和妹沒有理會「肥佬」，但「佢專登郁嚟郁去」，似是想逼女事主的妹妹離開，讓他的妻子有位坐。女事主補充後續最後「對面有位，佢哋兩個坐咗喺對面」。
網民：涉嫌性騷擾 可報警話非禮
帖文掀起熱議，部分網民質疑該肥大叔「郁來郁去」可能已屬「不受歡迎的身體接觸」涉嫌性騷擾，認為女事主當時可向港鐵職員求助。有網民更表示可警告對方有可能構成非禮：「同佢玩大佢呀嘛，下一次可以先同佢講，你唔好黐住我唔係我報警，話你非禮我，已經警告咗你，記得拍片錄音。」
不少網民直斥肥大叔「厚面皮」，紛紛嘲諷他的缺德行為：「你答佢，我係廢青，你咪係廢老囉。」「恃老賣老乞人憎，肥仲坐多半個身位系咪要你1.5車費。」「我會直接同佢講叫佢減咗肥，佢老婆咪有得坐囉。」
來源：cc_icheese＠Threads
同場加映：港女手術後搭港鐵遭阿婆逼讓座 拍打女事主手部不斷罵：「我有交稅你有無？」女事主咁回應惹議↓↓↓↓
