《東周刊》早前獨家直擊梁敏巧有富貴Benz男管接送，兼幫忙攞fans禮物，十分窩心，梁敏巧今日（11日）到尖沙咀出席活動時，直言對方是生意拍擋，兩人在珠海經營的琴行10月開張，又指當日Benz男除了載自己之外，車上也有鄧伊婷、周志康，她自己搬完禮物去車尾箱，才會坐副駕，指對方是朋友和生意拍檔，重申不是追求者。
梁敏巧公私分得開
提到《女神配對計劃》招募男士進行「踢館」，笑指可叫Benz男參加，梁敏巧反應極大表示：「唔好啦，我同佢做嘢㗎咋，唔好搞我啦！（唔好咁決絕！）唔好搞我啦，生意拍檔咋！」至於一向傾慕她Babyface，於告白失敗後迅即找到新歡，她指沒有酸溜溜的感覺：「我覺得好郎才女貌，佢係真男人、男子漢，因為佢話Move on就真係講得出做得到，佢而家咁sweet，都好戥佢開心。」梁敏巧又透露《女神配對計劃》還有五集未拍，稍後也會在晚餐上跟男士們再了解一下，對於3位參賽者，她指醫生譚品堯各方面也不錯，覺得對方愛家，是好老公，最致命之處是對方比較嚴肅，跟他傾偈有無形的壓迫感。
對於新增「踢館」，梁敏巧指仍不知道詳情。另外有網民直指她樣衰不似女神，她說：「我覺得女神唔係得個樣，雖然樣都好緊要，冇辦法啦，惟有做第二樣女神，靠把口去令網民信我係第二樣女神，時間會證明一切。」
梁敏巧對前輩Andy哥冇feel
Andy哥余國華在溝通完後，梁敏巧明言沒有約會的感覺，比較像前輩後輩相處，未必能擦出愛火花。至於Andy哥就被爆身家過億，梁敏巧說：「佢講係，我唔知，佢講我就信，但都唔係錢嘅問題，真係感覺嘅問題，感覺唔啱，冇愛的火花，大家做朋友啦。」
梁敏巧會再深入了解Matt
梁敏巧大讚律師劉啟進（Matt）幾正，直認心動：「佢好有自己一套，好有主見，有想法，都係暖男，佢私底下有搵我，最開心同佢講我鍾意食朱古力，佢第二次拍攝時買咗朱古力畀我，好細心，都OK，但你話係咪揀定？未揀定嘅！」提到醫生早前被爆黑材料，梁敏巧指，事前也收過很多私訊，也有看，不能評論太多，會跟對方溝通多一點。
