荃灣享和街錶位糾紛事件，姓關（47歲）車房男職員前（5日）晚怒罵企圖泊位的司機：「你係咪新嚟㗎？」、「玩嘢」。據了解，事件曝光後，關的身世陸續被網民起底，今（7日）日網上再流出片段，關又因泊車問題，在旺角通菜街與司機爭執，無理要求司機讓位，不時粗言穢語。
相關新聞：荃灣享和街車房霸佔咪錶位 司機欲泊車掀罵戰 赤膊男撩「隻揪」
怒斥後車司機「揸Porsche好威！」
該片段開始，即見一部私家車打着死火燈，身穿黑衫灰長褲的關突然落車，走向後面私家車，要求司機讓位，輪候其他錶位，後面司機反問：「你啱啱到喎」，關越說越激動，後面司機解釋：「我冇打橫嚟，我開始等先」，關怒斥：「揸Porsche（保時捷），好威！」，後面司機反駁：「你都揸Audi（奧迪）喇」。
關激動地說：「得，我畀你泊，你威係咪呀！」，關眼見對方不賣帳，爆了一句粗口後說：「泊中間下次」，然後悻悻然上回自己車輛。
相關新聞：荃灣錶位爭執│車房老闆娘有勸員工克制忍讓：求財啫 嘈交冇意思
關繼續失蹤 車房指「佢冇做」
據悉，關性格惹火，經常撩是鬥非，網上亦流傳一條八年前的短片，一輛黑色私家車行駛途中，多次閘住一輛載滿剛收工地盤工的旅巴，旅巴最終爬頭將該車「閘停」，被大批地盤工圍住，貌似關的男子合十道歉：「對唔住，大佬，唔好意思」，結果被人當場「修理」一番，吃了多次兜巴星。
《星島頭條》記者再返回享和街了解，涉事車房前的錶位仍然封鎖，附近有兩部警車停泊，交通督導員不時巡邏，車房老闆娘黃太與職員閒着沒事，各自玩手機，黃太重申：「我哋做生意，都唔想搞事，只要你哋唔嚟搞我哋，點會無啦啦走去嘈交」，此外，車房則未見關的蹤影，車房一名男子聲稱：「佢冇做，叫佢唔好返」。
相關新聞 : 荃灣錶位爭執網民踢爆車房長年私有化錶位 警車今日高調停泊店前
