有市民在網上購買了一個逾300磅的大雪櫃和另一個櫃，集運期間卻禍不單行，送貨時撞爛屋苑照明燈賠錢500元不特止，在狼狽送雪櫃入屋時，負責運送的司機又懷疑撞爆雪櫃玻璃。事主追討損失期間，涉事的集運公司更加教授賤招向商家卸膊，企圖將賠償責任推向對方。
事主看不過眼，7月6日在facebook群組「香港集運苦主群」以「網購大型電器／傢俬教訓」為題，上載相片發警世帖文大爆事件，以自身的教訓提醒網民「用私人集運真係要加倍小心」。詳情見下圖及下文：
網購300磅大雪櫃 苦主爆集運公司5宗罪 送貨撞爛燈又爆玻璃 仲教賤招向商家卸膊逐張睇↓↓↓↓
苦主列出集運公司5宗罪
樓主在帖文中簡單講述網購背景資料，指「買咗一個大雪櫃，重量154kg（約340磅），連埋一個櫃差唔多200kg（440磅）」，接著列出集運公司的5宗罪：
問題1：人手不足
送貨當日只安排一個司機送貨，當時佢一個人雪櫃卸落貨車都未做到，要我哋出2個人幫佢落車，但呢件貨係包送貨上屋企門口嘅。
問題2：撞壞屋苑設施
司機推雪櫃撞爆咗屋苑照明燈，屋苑罰咗我哋500蚊，而ＸＸ集運係拖得就拖，無賠償俾我。
問題3：撞爆埋我個雪櫃玻璃，推卸責任
因為個雪櫃連包裝箱入唔到屋企門，我哋無要求嘅情況下，司機幫我哋拆包裝減少體積入屋企度門（可能係因為撞爆咗燈而內疚，想做返啲嘢）。老實講師傅搬貨技巧真係一般，跟住佢嘅指引去拆箱，雪櫃打側移除底座發泡膠嘅時候撞到牆，玻璃馬上發出裂開嘅聲音，跟住師傅話係本身已裂，叫我哋追究返原廠。但當時玻璃裂開嘅聲音維持咗差唔多30秒，一定係當時整爆嘅。ＸＸ集運叫我哋同商家講打開包裝就爛咗，將個波推俾人哋。
問題4：條款係用嚟保障自己公司
佢哋一方面sell（賣）自己可以做到大貨集運，另一方面喺條款寫話玻璃破損係唔會賠償，條款如下：「所有易碎物品我們在運輸中會盡量小心處理，如在運輸中損壞不予賠償請知悉（包含電視機、陶瓷用品、玻璃製品、工藝品、傢俱用品，超長易折斷物品等）」。
問題5：送貨時間好慢，6月23號貨到香港，6月30號當日中午先通知你下午會送貨。
在回應欄，樓主也熱心回應網民的提問：
網民：一條友，玩隻對門櫃有啲難度喎。
網民：200kg派一個人。
樓主：我哋搵咗兩個人幫佢，都係勉強夠力。好心佢既然有大貨集運呢個選項，就唔好不自量力，一條友送。當時司機佢個車仔都就嚟壓爆咁款，之後都係用我哋提供嘅車仔。
網民倡大型電器香港買
網民：香港買又有保養又有售後；
網民：大型電器都係香港買喇，起碼送貨師傅知道件嘢幾大，要點樣運佢公司嘅產品，又會拆紙箱仲幫手揼埋垃圾；
網民：大型電器電視之類都係香港買好啲，7日內有得換新，你個雪櫃就算冇撞爛入到屋，插電後原來壞的，不知怎樣退換。
樓主：香港一定好，保障大啲，比較過價錢貴幾千，我哋大意了；
樓主：本身雪櫃係無壞嘅，係司機幫手拆個包裝，無保護情況下撞埋牆，玻璃即時碎咗；
樓主：司機onＸ，人為因素真係不可抗力。
資料來源：熊大＠facebook
相關閱讀：淘寶買手機mon放大器送父親竟收紙巾 港男聯絡店方竟直接退款↓↓↓↓
港人熱愛「淘寶」， 不過有網民在facebook群組發帖，指近日為父親在淘寶購買放大器，但收貨時竟發現包裹內只有一包紙巾，其後向客服查詢，竟得不到任何回應，便直接退款，令他非常費解。有網民指賣家可能誤當他是「刷單員」，「退完錢都好，記住向淘寶投訴店家刷單」。
該名網民2022年中於fb群組「淘寶唔開心share（中伏group）」發帖，指自己早前以30多元人民幣購買一個手機屏幕放大器予父親，惟店方竟寄來一包紙巾，於是便向客服查詢，但對方一直未有回應，樓主只好要求退款。事後店方迅速退款，樓主亦指自己將事件「當笑話咁睇」，「我集運，包野(嘢)咁輕，運費果到唔係問題」，並查詢其他網民，有否遇過同類事件。
