銀行戶口突然進賬9000萬卻轉眼又消失。有港男做了「1秒富翁後」在網上亮出「天降橫財」戶口記錄。在網民忙著細數碼長達8位數字銀碼的同時，有人卻冷靜地估計出「暴富」原因。詳情見下圖及下文：
戶口突然進賬9000萬轉眼又消失？ 港男做咗1秒富翁逐張睇↓↓↓↓
樓主：有冇人知點解會咁嘅？
樓主本月26日在社交平台Threads以「問題」為題上載戶口相片發帖，指「銀行做咩入9000幾萬俾我？入完又取消返算點。咩玩法？有冇人知點解會咁嘅？不過呢個銀行好耐冇用。一般都係俾我阿媽出糧拎錢。#銀行問題 #做咗1秒虛擬富翁」。
樓主上載的兩張相片，分別為支票入帳（Cheque collection direct ）記錄，和戶口6月份的收入與支出，全部見到有9000幾萬元的記錄。樓主在留言欄回應網民時，進一步補充「做咗1秒虛擬富翁」的心路歷程：
網民：一秒富豪。
樓主：一秒的快感。
網民：曾經擁有再失去係最痛、俾你體驗下幾秒有錢人嘅感覺、唔知點解覺得有種心痛嘅感覺、9000幾萬有冇得計返1日息都正㗎喎。
樓主：其實我都有幻想過，如果咁多錢喺你戶口停留多1個鐘，其實你個人會好辛苦，好似喺度考驗緊你嘅人性一樣，好爭扎，所以都好在只係比我睇一睇，愈睇得耐愈難過。
相關閱讀：網民教無痛儲錢大法 日日儲$20起步 港女留言曬成績：月月儲呢個銀碼 15年後做業主
網民：履歷表可寫曾經係千萬富翁
有網民於是安慰，「起碼叫做過大佬」、「都算係叫做曾經擁有過9000萬」、「Cv（履歷表）可以寫曾經係千萬富翁」、「呢個record（記錄）拎出去俾人睇仲唔拋窒佢？」。
另有細心的網民留意到「9000萬富翁都仲用緊裂mon（熒幕）電話，係幾咁勵志。不過認真講去銀行處理下會好啲，拎證明也好乜都好，保障返自己……」，於是有網民也提醒：「要問銀行發生咩事」。
網民料：入票時電話號碼入做金額
接著有前銀行職員提到「今日有無去過銀行先？我之前做銀行試過唔小心撳多咗個0俾個客。不過之後有call（致電）返個客還原返正常。唔知你係咪都係呢個情況」，樓主則回覆：「我阿媽前兩日入過票落去」。於是有不少網民不約而同想出了這個原因：
•電話號碼？；
•支票機入票打錯銀碼；
•電話號碼9717XXXX？；
•你打電話去9717XXXX咪知點解；
•存入支票，你可以輸入任何金額；
•入票時將電話號碼入咗做金額就會咁；
•我都試過咁，不過九成係電話號碼當成金額入；
•Cheque（支票）你鍾意入100億都得㗎，第2日扣返出嚟咁解；
•好明顯係入票嗰陣銀碼位入咗電話號碼，你打過去問下佢係咪今日完票嚟；
•應該唔係銀行俾你？係支票黨，總之如果呢排收到咩古怪電話／wts（Whatsapp）入錯錢俾你一律唔使理，亦都唔好轉返錢俾人。你話俾佢聽有咩直接搵銀行搞返！
樓主最終總結：唔知佢，我淨係知我打敗咗99.99%嘅人，話晒都有過8位數嘅紀錄喺度。
資料來源：lokkuchan＠Threads
相關閱讀：存款離奇失蹤？！$12000經銀行存款機入數變無紀錄 港女：收據寫明收妥 苦追7日尋回銀行未解原因 金管局：要求銀行馬上跟進↓↓↓↓
港女經銀行自助存款機入現金1萬2千元，存款機有發收據，收據「寫明收妥」，「收據有晒戶口號碼、櫃員機編號、收咗幾多現金」，結果事後發現存款失蹤，向銀行查詢竟獲告知「無任何插卡存款紀錄」，而且「所有戶口都無存款紀錄」。
女事主向銀行苦追7日，直至今年5月13日終尋回有關款項，她說，今早查數終於見到涉事銀行「俾返錢我」，但有關銀行未有解釋存款離奇失蹤多日的原因。
金管局：已要求銀行馬上跟進
金管局發言人回覆《星島頭條》表示，金管局知悉事件，已經要求銀行馬上跟進，確保相關服務運作暢順並妥善處理客戶的查詢及個案。
涉事銀行發言人回覆《星島頭條》表示，本行早前收到個別客戶有關分行存款機的查詢，已即時對個別事件作出跟進。本行定期檢查各自助銀行服務，包括自動櫃員機、現金及支票存款機及現金存款機，確保運作暢順↓↓↓↓
