旺角有酒樓午市出狠招鬥快餐店，破天荒以兩位數全包價推出「一人餐」，並保證20分鐘出餐，引發網民熱議。
涉事酒樓位於旺角始創中心，其午市搶攻快餐市場的優惠詳情如下：
旺角酒樓午市狠招鬥快餐店 全包價$ＸＸ罕推「一人餐」 保證20分鐘出餐 網民：適者生存↓↓↓↓
有網民近日在「香港酒樓關注組」FB專頁發帖表示，在旺角始創中心一間酒樓發現有「午膳一人餐」，「性價比都算幾抵呀」。
帖文附有照片，顯示該酒樓宣傳的「午間一人餐」橫額，標榜「快捷、抵食、好味」，大字標示價格為「60元」，並註明為「全包價」，即「包茶芥加一服務費」。
酒樓推「一人餐」包茶芥加一服務費
該「午間一人餐」以入單計，「保證20分鐘出餐」，一人餐包「精選點心兩件」及「任選飯一客」，任選飯有八款選擇，但未有註明款式。該午間一人餐，只限星期一至星期五，正午12時至下午3時供應。
另外，午市尚有加推超低價伊麵優惠，包括：每碟$28.8元飽汁野菌炆伊麵，及每碟$9.8元雪菜火鴨絲湯伊麵。
網民形容「狠」：生意難做，快餐也不放過
帖文引發熱議，有網民指酒樓搶攻午市快餐市場，反映經營壓力：「哈哈！ 快餐！生意難做，快餐也不放過。」「兩餸之禍，搶灘之戰
。」「酒樓唔諗下計，好快畀點心鋪搶晒客，點心鋪愈開愈多了。」
有網民認為酒樓價格貼「底」，出手「狠」：「好『狠』理想！」「好『底』食。」
有網民認為茶餐廳午市最少要50多元，酒樓以60元全包價推一人餐，絶對有競爭力：「適者生存，窮則變，變質通，趁住茶記碟頭飯連埋杯茶，五兜幾……依家推出，千載難逢……」
有網民又指，酒樓還勝在可以「坐慢板慢慢嘆睇手機睇報紙」，「點心店、兩餸飯店、茶餐廳係無法畀你慢慢嘆。」
尚有減價空間？未列明餐單 網民憂有伏
有網民甚至認為競爭激烈下，60元一人餐尚有減價空間：「如果經濟再差落去，酒樓要同快餐店決個你死我活的時候，$30/1位都有可能出現……」
不過，有網民擔心酒樓未有列明一人餐的餐單，擔心有伏：「連門口塊（橫額）都唔寫有咩食，唔係要入去坐低先知呀？」「二件=2粒燒賣~！？攝牙隙呀？」
有網民留言問樓主：「味道如何？」「八選一有咩選擇呢？」但樓主未有回應。
同場加映：觀塘酒樓執笠員工「結業飯」菜單掀議 5餸1湯菜式有避忌 加送一承諾 網民：老闆有良心↓↓↓↓
