「蝴蝶」風暴以「C」字形姿態在本港外圍掠過，帶來連場大雨。黃埔一名短褲男未雨綢繆，日前已出動巨型「7人遮」來遮風擋雨，引起網民關注。有人讚好並羡慕傘主，有人卻擔心遮大招風，大風一颳便成個人升天。詳情見下圖及下文：
蝴蝶颱風｜黃埔短褲男擔「7人遮」出巡 遮柄誇張長到落膝頭逐張睇↓↓↓↓
樓主：咁大件事無人講
「蝴蝶」來襲，香港天文台於星期三（11日）凌晨0時40分發出今年首個一號戒備信號，到周六（14日）中午12時20分改發三號強風信號。
相關閱讀：蝴蝶颱風｜天文台：除非蝴蝶維持較強並較接近珠江口 否則改發八號機會甚低
市民連日留意風暴消息，樓主更於周三下午，在社交平台Threads以「咁大件事無人講」為題發帖，上載目擊短褲男帶同「7人遮」出巡的短片，驚訝地留言指「使唔使咁Ｘ大把傘！！！7個人都得」。
片中的短褲男正撐著巨傘在黃埔德安街行走。多創意的網民形容此傘為「7人遮」、「家庭傘」、「成個鑊」、「呢把係『亭』」、「依把唔係傘喎，佢帶咗簷篷出街」、像「沙灘遮」也像「太陽傘」，大小「比golf（哥爾夫球）遮要大」。但對於樓主估計「（遮）7個人都得」，有人卻認為「又誇張啲」，指「最多咪5個人，7個人會有人淋濕」。
「大遮大」網民大讚有彈
不少網民都羨慕遮主，希望自己也能擁有這麼一大把遮，讚「正」、「想買！」、「想要把」、「真心想買把」、「好有安全感」、「我都想買返把」、「防多啲紫外線反射」、「完美360°遮蓋太陽」、「正啊！唔會俾人滴濕」、「可以保證一定唔濕身，幾正」，有人更加解釋「作為一個接送小朋友返放學嘅爸爸，自己孭一個袋，小朋友一個大書包，遇著落雨都好羨慕佢把遮有咁大把」。
有網民留言「好奇佢把嘢喺邊度買？」，接著有人揚言「我有把！淘佬（網購）30元！」、「我都有，超正，隻腳係唔會淋濕」、「呢把遮好普遍，我有幾把，拎去接放學一流，一開把遮變成全場最受歡迎媽咪。有陣時落車搬貨，啲貨又唔可以濕，真係好幫手」；還有人上載網購的資料。
但也有人指出「大遮大」的缺點：「睇落勁重咁」、「重到拎唔起？」、「順便練臂力」、「無錯係好大啊，但同時好Ｘ重吖嘛」、「落雨時安全感滿滿但勁論盡勁重」、「成條街大佢霸晒」、「咁大把遮，可以幫唔記得帶遮嘅人遮下，不過就會好掗拃」。
另有人笑指「係真係大得好搞笑」、「個遮柄到佢膝頭」，有人則擔心「會唔會好食風，大風啲會唔會成個人升上天」、「打風喇，小心遮大招風啊！」、「不過幾危險 有風果陣成個吹起」、「準備起飛」、「一起風就直飛北角」。
資料來源：__schhh＠Threads
相關閱讀：蝴蝶颱風｜港人恨打風？ 網民分析深層次諗法 想放假竟然唔係根本原因？↓↓↓↓
「蝴蝶」風暴來襲。香港天文台於星期三（11日）凌晨0時40分發出今年首個一號戒備信號。風球一掛，即挑動港人的打風神經，聚精匯神留意風暴消息，看是否有一日半日「打風假」從天而降。
有網民更加趁機前在社交平台Threads以「社會實驗」為題發帖，附上「香港人最期待的事——打風」圖片，並發長文分析香港人，特別是打工仔對打風的深層次想法：「香港人打風的真相：其實我哋唔係驚風，我哋係驚返工」。詳情見下圖及下文：
港人恨打風？ 想放假竟然唔係根本原因？逐張睇↓↓↓↓
