有港女日前在網上「香港討論區」自爆心碎家事，指其65歲爛賭母親在談黃昏戀，拍拖半年即擬第3次結婚，準備嫁個上海人，「無眼睇」的她力數母親過往的種種不是，並無助地向網民發問「請問我可以點做？」。
有網民似乎看穿準新娘結婚的背後動機，也有人好言相勸，建議發文的港女多祝福母親，但日後要少接觸；樓主及後也自言「已睇開咗喇」，日後唯有用一方法應對。詳情見下圖及下文：
65歲爛賭母親黃昏戀 拍拖半年擬第3次結婚 港女自爆家事逐張睇↓↓↓↓
樓主氣上心頭力數母親不是
樓主本月5日在網上「香港討論區」以「有個生活同感情生活一團糟的媽咪」為題發長文大呻家事：
「我真係好想呻下。我媽咪喺我得4歲就同我爸爸離婚，之後就將我放喺珠海被婆婆照顧，跟住佢就同另一個男人結婚生咗個仔，近年又同呢個男人離咗婚，今年都65歲。
噚晚突然同我講：佢準備同另一個識咗唔知有無半年嘅上海男人結婚，個男人同佢一樣都結過兩次婚，離過兩次婚，仲話結婚後有名份先見我哋同其他屋企人，我媽咪宜家同嗰個男人同男人嘅香港屋企人一齊住，因為有啲手續，佢話最快11／6就結婚（需要咁急咩？唔明點解婚前唔見得人）」。
樓主還補充，「我媽咪無錢比人呃（不過我總覺得唔單純），但媽咪唔聽勸」，並向網民救助「請問我可以點做？」。
樓主越說越氣上心頭，接著力數母親的不是：「媽咪有好多奇怪嘢，好固執，鍾意賭錢。記得我細個，有次要做手術，手術完後，出嚟只見我婆婆同姨媽，原來我媽咪去咗澳門賭錢，根本無將我放喺心。
2018年有次打電話比我，就問我拎錢，還賭債，當時又喊，又話要死，我都好驚，拎晒自己儲嘅錢幫佢還（後來先知，佢竟然將我婆婆死後俾佢嘅錢全部賭晒），我好錫我婆婆，所以好嬲，兩年都無咩點搵佢，佢都無搵過我。點知兩年幾、3年後，收到佢電話又再問我借錢還賭債，我話無，佢見軟唔得就開始鬧我，話我不孝，無良心，睇住阿媽死都唔幫，之後又打比我老公……..總之，最後我幫咗佢少少。其餘嗰啲叫佢去銀行自己做債務重組慢慢還。
又曾經俾佢前夫告佢打人，要入拘留所。我又要幫佢去保釋，當時喺我屋企住咗1個月。其實我真係好驚收到佢電話，好似次次都有嘢要幫佢執手尾咁，但係佢又唔聽人勸，我都唔知可以點？」。
相關閱讀：母親節｜獨行風雨長路捱大女兒 單親媽憶16年前徬徨由零開始 因一信念越做越好
網民：天要下雨，娘要嫁人
就樓主有個「不羈的媽」，回應的網民都細心開解，大多人的意思都是「天要下雨，娘要嫁人，你可以做得啲乜嘢」，並提出不少建議：
•少接觸，多祝福；
•你都阻止唔到，免傷腦筋；
•搵長期飯票。你應該恭喜佢；
•佢都65歲， 自己想點咪由得佢；
•再婚仲好喇，佢可靠新一個，遠離你哋；
•老來有伴，那就祝福她吧，其他的不須理亦理不了；
•佢要結婚，你又阻唔到，由得佢囉，下次欠債有佢老公孭了；
•咁大年紀結咪結囉，臨老都搵到個，向好的方面諗叫做有人照顧下佢；
•你既然改變唔到你阿媽，你就要改變自己嘅心態，如果係頂唔順嘅話，就要放棄，盡量就少啲見面，一年咪過幾次囉，生日團年新年係咁多；
•如果你唔係同你老母住，根本唔使理佢結唔結婚，無咩感情就少啲聯絡啦；將來佢老啦，你有啲能力就搵間好啲嘅老人院俾佢，多啲探佢，人生就係咁。
也有網民提醒：「就算佢點你都要理佢，佢生你，無佢就無你」；還有人笑言「係你媽咪呃緊人錢」、「似乎係你媽呃人」，樓主也幫理不幫親，稱「都有機會係，都真係有可能」。
樓主：自己都睇開咗喇已經
說著，樓主的心情好了一些，從她在回應網民的留言可見，心結也解開了一點，指「係呀，我諗諗吓，都睇開咗喇，打呢呢篇嘢嗰陣，有啲無名火」：
•我都無權理；
•係咩都做唔到，由佢……；
•都係，我真係自己都睇開咗喇已經；
•係呀，最後我都放過自己，無眼睇；
•我哋宜家都好少見，節日都係wechat（微信）問候一下；
•我宜家同佢都盡量少聯絡，只係每次收到佢電話都有新嘢覺得好煩，都唔想理喇。
在回應網民「做手術去咗澳門賭錢，俾我2018就已經唔會借唔再聯絡」的留言時，樓主進一步自爆「出到嚟聽到媽咪去咗澳門，真係好心淡，多謝你明白我」、「多謝你哋明白我，其實仲有好多心碎事件，只係無一一寫出嚟」、「心都碎，人哋話個個阿媽都會為仔女好，唔一定㗎，我結婚嗰陣，佢好似賣女咁」。
資料來源：ca1004＠香港討論區
相關閱讀：母親節｜「後悔生你們…」80歲母親發催淚千字遺書 網民狂Loop：句句戳中要害！↓↓↓↓
母親節又到，一封80歲母親的千字遺書，在網絡熱傳狂Loop，「我後悔生了你們，如果有來生，再也不見了……」句句戳中淚點，句句走進心窩，值得不少子女反思。
80歲母親千字遺書 句句戳中要害｜足本全文點擊即睇↓↓↓↓
