有大頭蝦的士司機一時大意，在找錢時顧著換打印紙而忘記先收起金錢，慘被一名身光頸靚戴手套的後座女性客順手「回收」車資。
該名手套女在等候找錢時疑趁司機不覺，使出「閃電手」袋走原本放於司機身旁作車資的50元鈔票；的哥事後猛呻「我仲找埋20蚊俾佢」。一來一回，大蝕足足70元。詳情見下圖及下文：
手套女等找錢時閃電「回收」車資逐張睇↓↓↓↓
樓主：唔記得收起啲錢
樓主日前在facebook群組「的士司機資訊網 Taxi」上載長約1分鐘的車Cam片段發帖，指「一時大意換打印紙，唔記得收起啲錢俾呢個阿嬸偷咗」。
片段標明攝於6月1日傍晚6時28分左右。片中見到，雙手戴有手套的曲髮短裙女子，抵達目的地後正準備落車，疑趁司機埋首找贖時，彎身閃電拿走司機身旁的50元鈔票，連隨放入孭著的疑似名牌手袋內；之後司機轉身找錢遞上20元時，手套女若無其事地接過後便開門落車。
相關閱讀：惡女搭的士唔跟咪錶找數 為呢個銀碼喝令司機減價：叫你找呀！
網民怒斥斯文敗類
不少網民看過短片後都替司機感到不值，形容片中女子為「斯文敗類」、「閃電手」，指「條友真夠薑」、「順手到」。
樓主回應時大呻，「我係找咗20蚊俾佢，佢就偷埋佢嗰50蚊急急放入手袋，正乞兒車錢都偷」、「最離譜50蚊都偷啊」、「辛苦錢都偷」、「生意已少仲俾佢偷，我仲找埋20蚊俾佢」。
一來一回，司機蝕足70元，有網民安慰樓主「有心裝無心，冇辦法啦，幾十蚊當俾佢執藥」；另有細心的網民指「有戴手套，即有預謀」、「戴定手套，慣犯」。
資料來源：Amy Ko＠facebook
相關閱讀：疑嫌車程太短 尖東的士司機中途趕遊客落車 內地客怒斥：影衰香港！↓↓↓↓
有內地遊客在尖東千禧新世界酒店截的士去海港城，上車後司機懷疑嫌車程太短邊駕駛邊罵，當駛至K11商場，司機竟突然停車，要求內地客落車，其後又因為付款找贖問題與遊客爭執，內地客怒斥該司機「真係影衰香港」，而司機則反罵遊客是「垃圾」「影衰大陸人」↓↓↓↓
