大眾普遍認為明星賺得多，花費亦多，但其實娛樂圈中仍有很多慳家之人。梁朝偉曾連續幾年被狗仔隊拍到用同一個背包；古天樂被粉絲發現一個保溫杯用了最少兩年；麥明詩外遊坐經濟客位。今集《星級大搜查》來搜查吓，明星有哪些慳錢奇招。
藝人慳皮裝身大法
明星花費最多的，除了住屋之外，相信就是「裝身」。朱敏瀚就教大家一個可以扮靚，又可以不花錢的方法，他指平常除了有贊助之外，也曾到大品牌買衣服，笑言「會去啲大公司退返有牌嘅衫」。吳肇軒則說：「基本上我係除咗sponsor之外都唔買衫。我曾經被觀眾發現，冬天嘅時候著嚟著去都係同一件藍色衛衣。」姚子羚選擇與身形相若的藝人好友交換衣服及鞋，她說：「搵好姊妹借衫，我試過定欣借過衫畀我，阿豹借過鞋畀我啦，得杏兒借唔到，因為佢比較高大。」
相關閱讀：星級大搜查丨明星爆趣洗頭秘招大公開 方力申忌𢯎頭Edan講究地心吸力 娟姐：唔洗太乾淨
郭晉安留浸浴水沖廁
郭晉安等藝人都表示，做演員很多時候不用花錢，因為開工有飯盒，又有車接送。而郭晉安的慳錢方法則是善用食水，他說：「有時工作好攰我會返去浸吓浴，我通常唔會拎開個塞流走啲水，我要用嚟沖廁所。」而他的緋聞女友莊子璇也對慳水方面甚有研究，她說：「洗完米可以用嚟淋花。」此外莊子璇亦直言曾定下目標要出門不花錢，希望儲更多錢，「因為我而家食屋企、住屋企，揸車返公司都係用電車，公司又可以充電，我可以0元生活。」但笑指，無奈沿途太多誘惑，暫時未達成目標，「因為行過啲小食店就想買啲零食，最後都使咗錢。」
相關閱讀：星級大搜查丨明星手機充電習慣曝真個性？郭柏妍一習慣顯焦慮個性 張振朗「借電」維生
陸浩明每日三餐限花100元
陸浩明則慳在吃飯方面，他表示如果不用工作，會限自己每日最多花100元解決三餐，有時甚至只吃兩餐。他表示：「其實唔難做到，有時晏啲起身，將早餐變午餐，之後下午茶食飽啲，夜晚唔使食，咁其實兩餐搞掂。」至於省拍拖錢，他亦有心得：「有時拍拖，喺啲浪漫事上好似使好多錢、好貴，我都有個慳家方法，譬如大時大節要慶祝都會想食吓fine dining，起碼兩、三千蚊落樓，一個人喎！可以去啲有星級嘅餐廳食lunch個時間，平成一半。」而他亦被好友馮盈盈大爆，平時靠坐順風車慳錢，馮盈盈表示：「佢（陸浩明）一定會話，盈盈呀，不如順便兜埋我。」馮盈盈指，由於二人都是將軍澳街坊，不時一起上班，認為坐順風車的確是個慳錢好方法，至於她的慳錢方法就是一包掛裝咖啡早晚沖一次。
相關閱讀：星級大搜查丨明星人生座右銘反映真實個性？金馬影后鍾雪瑩：唔死乜都得 劉德華「五字真言」成金句
明星為慳車費改坐公共交通工具
不少藝人都有駕車出門的習慣，但他們都認同，坐公共交通工具比駕車更慳錢。黃浩然透露，最近忙於排練舞台劇，但排練的地方位於九龍區，而他在港島區居住，因此他選擇坐公共交通工具，他說：「揸車嘅演員要泊停車場，加埋隧道費……其實我淨係排呢個劇都慳返2、3萬蚊。」劉穎鏇也被好友賴慰玲爆料，指她為了慳泊車錢，有時寧願花多些時間等「標位」，她說：「但佢又唔會遲到，所以佢慳得嚟又好成功囉！」劉穎鏇也分享另一個慳錢方法，她表示：「我哋平時出去拍攝，我唔會揸車，我會跟公司車出去。」
相關閱讀：星級大搜查丨包包掛公仔成娛圈潮流指標 湯寶如爆男藝人儲公仔成狂：車埋衫畀公仔著
「慳」字得個貧？ 方力申蝕大本
方力申笑言自己最愛慳泊車錢，但有次為了得到泊車優惠，反而「蝕咗」，他說：「我試過唔知要（花費）200蚊，其實我只係要兩杯咖啡，我買夠4杯、5杯，戇居嘅地方係咩呢，我買完之後，超咗時一分鐘，最後都要畀錢。」吳肇軒質疑自己小時候為慳零用錢導致營養不良，「細個鍾意同朋友去街市買啲三蚊米粉嚟食，係完全冇營養。如果我當初唔係營養不良嘅話，可能我而家係骨架大啲，1米94咁。」
朱敏瀚則表示自己與好友周嘉洛都不愛浪費食物，有次勉強吃完，結果腸胃不適。劉穎鏇則說：「以為香港冇一啲產品，喺外國專登買返嚟，跟住發覺原來有啲店舖賣開外國嘢都有，仲要一樣價錢，我就覺得用咗好多喼位，本來可以買多啲嘢。」你又有甚麼慳錢妙招？留言告訴《星級大搜查》喇！
