上水前日（5月31日）發生一宗好人好事。一名持拐杖的婦人在行人路上突然跌倒，兩名目擊事發經過的鐵騎士棄車跑足半條街，合力扶到公園坐下，危急之間仍細心地不忘一重要事情，獲網民大讚識得顧人感受。詳情見下圖及下文：
上水拐杖婦突倒地 兩鐵騎士棄車跑足半條街施救逐張睇↓↓↓↓
帖文以「南亞師兄好波」為題
樓主以「南亞師兄好波」為題，把救人短片上載至facebook群組「車cam L（香港群組）」，旋即獲網民拍手熱烈致敬。短片相信由其中一名有份救人的鐵騎士從後拍攝，時間為5月31日早上11時18分左右，片中見到兩人棄車跑到婦人身旁關切問候——
負責拍攝的鐵騎士：婆婆，無嘢吖麻你？呀，唔係，唔係，唔係婆婆，Sorry（對不起）呀吓。
跌倒婦人：都差唔多㗎啦。
負責拍攝的鐵騎士：嚟，1、2、3。（兩名鐵騎士合力扶起）
跌倒婦人：唔該晒，唔該晒。唉～
跑前的鐵騎士指著公園石椅並挽起婦人的背心袋：坐呢度啦。
負責拍攝的鐵騎士：有無撞親邊度呀？坐低。
跌倒婦人：唉～
負責拍攝的鐵騎士：小心，小心呀，慢慢嚟。
跌倒婦人：唔該晒。
負責拍攝的鐵騎士：坐，坐好呀吓。
有回應的網民第一時間留意到鐵騎士的細心問候——「婆婆，無嘢吖麻你？呀，唔係，唔係，唔係婆婆，Sorry呀吓」，指「仲識顧人感受唔叫婆婆，抵讚！（其實都冇叫錯）」。
相關閱讀：女子借錢搭車即場過數失敗 好心人毋懼「伸手黨」堅持相助 結局係咁
網民讚不停口
不少網民形容此乃「好人好事」，一人一句讚不停口：
•人間有情；
•正面能量；
•好市民獎啦；
•好人有好報；
•兩個都超讚；
•兩個都好心地；
•俠義就係俠義；
•好人一生好報；
•兩位都應該表揚；
•社會上正正需要守望相助；
•值得表揚的，多謝佢的關心；
•兩位都好好人，六合彩頭獎下期係你哋㗎啦。
有人坦言「正常都驚抄牌」、「好感動！亦都好難得！人類本身係有人性，但太多碰瓷黨、迷暈黨出現，唔知邊一次真，邊一次會中招，才攪到人性薄弱」。
資料來源：Fucnnk Chan＠facebook
相關閱讀：女子油麻地暈倒車旁途人合力施援 20分鐘救援過程感動小紅書男：「香港人的善良是刻在骨裏！」↓↓↓↓
有80後小紅書男，今年4月在油麻地目睹港人合力施救暈倒女子，全程20分鐘讓他非常感動，他說：「深深感受到了香港這座城市的溫暖。」「香港人的善良是刻在骨裏！」帖文引發內地網民熱烈迴響↓↓↓↓
＼
