有網民搭港鐵時遇上打扮獨特的全身遮光女子，拍下側身照放上facebook讓網民大開眼界。
樓主以「她可以不用搽防曬⋯⋯啦」為題上載相片。網民對這位從頭遮到落腳的苗條奇女子議論紛紛，有人認為打扮「型」，有人卻認為「有點嚇人」，有人反而覺得毋須論談，反問「有乜問題？佢Ok咪得囉～」。詳情見下圖及下文：
奇女子太空人式全身遮光 戴黑面罩連頸都睇唔到逐張睇↓↓↓↓
網民：唔熱嘅咩？
由於已踏入初夏，有網民認為如此穿戴會「熱死」、「唔熱嘅咩？」、「生熱痱」、「唔曬死都焗死啦」、「熱死人，一身臭汗味」、「焗到酸餿臭唔怕生熱痱！焗都焗死」。
有人則估計此有實際用途，如：
•「防蚊蠓」、
•「整完容要出街？」、
•「整完容仲未消腫」、
•「應該係曬，防曬就得啦」、
•「可能啱啱醫美完要防曬」、
•「可能有紅斑狼瘡症，唔曬得太陽？」、
•「我猜呢個人肯定係做咗臉部激光清潔，唔得遇到強光，塵呢啲」、
•「紅斑狼瘡其中症狀係全身皮膚過敏。如果出外覆診就無奈要著成咁」。
網民：大明星出場
也有網民稱可能是「大明星出場」，又有人懷疑對方「是否特意避開啲眼仔（天眼），除咗可以分辨到男定女其他真係得個謎，私隱度極高，好方法」、「無人認到，做咩都得？」。
有人笑言相中女子「想扮阿拉伯人又扮唔晒」；另有人想起「採蜂蜜裝」，甚至是經典電影《星球大戰》（Star Wars）內的白兵，指「帝國白兵少婦軍？」，也有人笑問「通知太空總署未？發現太空人迷路！」。
相關閱讀：勁可愛軟腍腍「筋肉人」大陣仗出動 因乜事踩入大埔太和邨？↓↓↓↓
一名像太空人看似軟腍腍的「筋肉人」早前現身大埔，由於外型太可愛，有惹人伸手去摸的衝動，引起網民關注，並好奇「筋肉人」因何事踩入太和邨。詳情見下圖及下文↓↓↓↓
