當眾剪指甲是惹人討厭行為之一。銅鑼灣一名大叔早前企正一鋪頭門口剪指甲，「罪證」被拍下放上網公審時，卻慘變「無頭東宮」。網民頓起憐憫之心替大叔發聲，指「好慘，喺街剪下指甲啫，連個頭都唔俾返人」。詳情見下圖及下文：
企正銅鑼灣鋪頭門口剪指甲 大叔遭公審慘變「無頭東宮」逐張睇↓↓↓↓
樓主早前在社交平台Threads以「香港真係咩人都有，突然企係ＸＸ門口剪指甲都有，仲遇過啲坐緊巴士剪」為題發帖，上載大叔的剪指甲相片。為保私隱，樓主把相中的大叔去掉頭部，但由於相片太突兀，被網民高度關注起來：
•個頭唔見咗；
•佢個頭失咗蹤；
•搵咗佢個頭3秒；
•幅相以為靈異照片；
•剪到連個頭都剪埋；
•無頭東宮？你點影的？
•笑死我，我放大都見唔到個頭；
•其實可以打格，唔使成個頭冇咗；
•可唔可以俾返個頭佢。有點恐怖；
•佢無頭㗎喎，你有冇諗過得你見到；
•笑死，我以為係得我一個睇唔到佢個頭；
•好慘，喺街剪下指甲啫，連個頭都唔俾返人；
•通街剪指甲係唔好，但都唔使剪走埋人哋個頭；
•無頭東宮……剪指甲啫，唔使cut off（切斷）成個頭嘅；
•師兄，我夜麻麻碌threads見到呢張相，我以為係靈異照片；
•開頭我以為我眼花，原來個個都喺度搵緊佢個頭，下次你用馬賽克（打格）啦；
•我見過有人打格仔、見過有人喺人哋塊面度寫「馬賽克」、見過有人加emoji（表情符號）喺個樣度，成個頭斬咗我真係第一次見。
在徇眾要求下，樓主順應民意放上原圖並解釋：
。見大家咁大反應，原圖個頭又幾趣緻，唯有俾大家欣賞下啦。
。iPhone Clean up（手機的清理功能）功能，費事比人Ｘ公審。
。本身想Blur（模糊），但搵唔到呢個功能，Clean up又方便所以用咗。
相關閱讀：巴士上剪指甲車長開咪鬧 19字「金句」惹熱議 網民：車長經歷過？
網民爆笑改圖 連阿Bob都受牽連？
有網民於是一不做二不休，來個爆笑改圖，指「橫掂都冇頭，不如整走埋對腳啦」。 連樓主也留言「淨係留返對手」。改圖大師於是有求必應，相中只留下一對正在剪指甲的手，大叔其餘部位都消失，笑言「咁樣就合符私隱原則了，完全沒半點透露對方特徵」。
有人呼籲「還返個頭俾人啦」，更是身體力行借用鋪內的卡通公仔，給大叔植入公仔頭。有網民更加絕核，無聲無色地把電視節目主持人林盛斌（阿Bob）的頭換入，變成阿Bob頭、大叔身，相片完全沒有違和感。
相關閱讀：車廂剪指甲斷正發惡 巴士阿伯指甲碎威脅勸阻乘客：「攞畀你睇吓呀！」
網民大談曾遇上當眾剪指甲不快事：
另有網民突破盲點地想到「一定係（大叔）問鋪頭嘅人借指甲鉗」。有人則順勢大談自己曾遇上當眾剪指甲的不快事：
•我噚日係食緊飯，後面枱有個女仔剪；
•見過MTR（港鐵）坐喺度剪，剪完不顧而去，留成地都係；
•我諗起早兩日同個客簽名，無端端佢拎個指甲鉗出嚟剪指甲；
•很多人都評批評人家在公共地方脱鞋，剪指甲，但在餐廳擤鼻涕應該才是最噁心吧；
•無錯，我食緊嘢，坐正對面位，突然間擤鼻涕，仲唔拎歪面，即時想嘔。
資料來源：justaguywithopinion＠Threads
相關閱讀：惡阿伯輕鐵「歪理」剪指甲：「邊有規矩唔畀剪指甲啊！」目擊者：佢話自己住過美國又講英文↓↓↓↓
網絡熱傳有阿伯在輕鐵剪指甲被阻，竟發惡怒吼：「邊有規矩唔畀剪指甲啊！」並即場發表一輪「歪理」，令人側目，目擊乘客表示：「佢話自己住過美國又講英文。」事發在2025年3月28日，有兩名網民先後出帖講述該名阿伯的缺德行為，事件經過如下↓↓↓↓
