現年70歲，有「鬼馬歌后」之稱的朱咪咪，90年代加入TVB拍劇，拍過無數經典劇集及電影，搞笑形象深入民心，亦多次開過演唱會，連紅館都踏足過。朱咪咪近年長留新加坡，與兩個兒子及新抱一起生活。近年已漸少於公眾場合露面的朱咪咪，近日接受資深傳媒人汪曼玲訪問，曝光了其新加坡兩層半豪宅，除了內裏格局超寬敞之外，門前還有巨型花園種松柏，非常豪氣。雖然被封為「億萬富婆」，但朱咪咪依然超慳家，更連麻雀癮都戒甩，現時最愛就是煲湯畀兒子、新抱飲，簡直是「阿媽典範」。
朱咪咪面色離奇顯黑
朱咪咪近年很少在螢幕中出現，因為她已經和家人長居新加坡。朱咪咪於訪問節目中，穿上短袖花恤衫，顥得十分清減，以前肥嘟嘟的形象已經不復見。蓄一頭短髮的朱咪咪十分精神，說話依然中氣十足，但或許是燈光或化妝的問題，朱咪咪的面色並非太好，面上有些角度更離奇地顯黑。
相關閱讀：70歲「TVB富婆」肥嘟嘟瘦到110磅見腰線 網民生圖更誇張 頭大身細鎖骨明顯
朱咪咪新加坡兩層半豪宅曝光：
朱咪咪香港物業全數租出
朱咪咪表示現時已長居新加坡，而香港的大量物業，已經全部租出。被問到為何連一個幾百呎的物業也不留下自住，朱咪咪表示：「我依家有工作先飛返香港，如果出騷出得唔太晏，我直頭即刻坐夜機返新加坡。新加坡同香港3個鐘頭機程之嘛，好方便。」
朱咪咪無嗜好愛做家務
被問到近幾年於新加坡的生活如何，朱咪咪表示：「我喺新加坡就冇乜嘢做，我只做家務抹地、掃地、睇住隻狗、煮狗飯，平時我就坐吓，我唔鍾意出街。自媽媽走後，我近三、四都好少打麻雀，舊年仲有打吓，但今年都未打過。」朱咪咪最愛就是服侍家人，在家抹樓梯、抹地，所以即使住在兩層半豪宅，也沒有請工人姐姐，由朱咪咪包辦家務。她透露現時少儲飯，但卻不時煲湯和煲涼茶。
相關閱讀：朱咪咪見盡發姣女藝人爭上位 入行半世紀慶幸冇男人緣勸同行帶眼識人丨獨家
朱咪咪與兒媳同住冇飯食？
朱咪咪兩層半豪宅樓底極高
於訪問中，朱咪咪曝光了和大仔同住的兩層半豪宅，見到屋中面積超大、方方正正極為實用，裝修行舊式風格，雖然不華氣不過十分溫暖，絕對有家的感覺。家中有樓梯通往上一層，樓底極高。朱咪咪表示愛在家中花園種松柏，只見兩棵樹非常大，生得又靚又綠，亦見到朱咪咪在大花園中替愛犬沖涼，地方極大。
朱咪咪拒再開紅館個唱
朱咪咪表示，現時人生已過了衝刺期，現時夠食夠住、安安定定就可以，平時她多於當地街市旁的熟食中心吃飯，非常慳家：「我依家最緊要開開心心，唔想咁大壓力，所以我唔想再喺紅館開個唱，我上次開咗9場好大壓力。講句白啲，我依家唔等錢使，只係想輕輕鬆鬆」。朱咪咪在星馬及香港均有不少物業，在大馬更有舖位，故被封為「億萬富婆」。
