吳浩康和胡鴻鈞今日（25日）以評審身份出席TVB全新歌唱節目《聲秀》首次海選，兩人亦有份擔任導師一職。
俾貼士要平常心
胡鴻鈞笑言面對參賽者，更回想起自己15年前參加選秀的情況，雖然首次做評判，但沒有評分標準，不過最緊要聽落覺得舒服，反而聲線重要過外貌，又給予參賽者貼士要平常心同享受個舞台。擔任參與者導師之一的胡鴻鈞，自認是溫柔暖男系導師，亦不懂鬧人，本身是選秀出身，所以特別身同感受有同理心，又認為鬧沒有用。
替蔡思貝有份拍《女足》高興
另外，提到緋聞女友蔡思貝有份拍攝周星馳的新片《女足》，他坦言有聽聞，亦好戥對方開心。他說：「佢一直都想喺電影界發展，套戲好適合佢，佢本身身手敏捷，係運動型女仔，希望佢會有好嘅發揮。」他又承認跟蔡思貝少聯絡，並解釋最近自己在香港與內地兩地走，亦沒有太多社交生活，就連好多朋友都投訴他。問到蔡思貝可有投訴他？他指每一個朋友都有，就連生日飯也未有機會跟朋友食，並笑謂都未跟蔡思貝吃，自己經常不覆人。當笑指蔡思貝不再理會他，他笑言不會，對方亦好明白，又認為朋友毋需日日見。
曾想縮沙但不想做衰仔
同場出席的吳浩康，指今次參賽者年紀最少只有16歲，令他回想當年自己首次參加華星新秀也是16歲，又指現今很多好年小人士參加比賽。談到他的評分準則，他坦言以聲線為主，並對參賽者陳潔怡比較印象深刻，唱得不錯，亦很欣賞另一參賽者張景堯在很小的舞台下跳唱也很入投入。有份擔任導師的吳浩康，談到能否同時兼顧公司生意？他笑言見到時間表好長，曾經想過縮沙，但答應不可以做衰仔，時間上去遷就。談到何不叫太太幫忙生意？他笑說：「我仲想做落去，哈哈！如果佢做就睇晒我盤數，知道我唔係賺好多。」
讚鍾舒漫係天使
提到舊愛鍾舒漫同樣導師之一，吳浩康坦言同場不會覺得尷尬，大家都有不同人生階段，之前也曾同場見過。他說：「節目組叫我做導師嘅時候，都有同我講會搵佢做導師，問我介唔介意？我又唔係教佢。」（擔任導師帶領組員，大家會有火藥味？）佢冇火藥味，佢係天使。（太太知道你跟鍾舒漫同場？ ）佢唔知，我會同佢講，佢應該唔會放喺心上。」
