送外賣各施各法，有外賣員近日便被捕捉到出動一種掛勾手提「神器」，能輕鬆企理地在同一時間單手拎起多袋外賣，擴大「步兵」的送餐能力，盡顯民間智慧。詳情見下圖及下文：
外賣員靠掛勾「神器」 輕鬆企理單手拎多袋外賣逐張睇↓↓↓↓
樓主早前以「真步之王」為題在facebook群組「KeeTa外賣關注組」上載相片。相中的外賣員正在乘搭扶手電梯，左手拿著數包外賣，右手拿著的金屬架附有多個掛勾，勾上掛有至少5大袋食物。有了手提「神器」，同一時間拿著多袋外賣也整齊企理，不怕傾斜打瀉液體。
如此力的表現，網民均拜服大讚「勁」、「單王」、「利害」、「佩服」、「專業的」，「真步王」、「咁好生意」、「嘩，大開眼界」、「勁，咁重都攞得咁輕鬆」。另有人形容為「現代擔挑」，「差在未放上膊頭」。
有送外賣經驗的行家則指，「我最勁都係5袋」，更有人指「步步驚心」，並稱這是在賺辛苦錢，「搵辛苦錢，傷手」、「攞得晒都冇用，手軟先係重點，仲有部電梯細少少你都未必入到」、「個架有嘢包都傷手傷骨」。
相關閱讀：送外賣倒瀉晒不顧而去 苦主開門驚見「奶茶湖」 網民鬧爆外賣員 分享送餐心得
外賣員靠掛勾「神器」 輕鬆企理單手拎多袋外賣逐張睇↓↓↓↓
相關閱讀：70歲婆婆將軍澳做外賣步兵 買餸車送餐「做一事」超細心 網民大讚：肯定乾淨
網民估計是「自製架生」
有心細的網民則細看「神器」，估計是「自製架生」、「看來是自造的手提器，並相連在街店有賣的手提器（不知橫柱能承受多重。）」。不過有人指其中一個可能出的缺點「拆勾可能要擺地下，呢個唔好」。
另有行家順道分享心得，指「我都係『步兵』，但我會用手拉車（閒日先用）」、「唔知係咪我部車唔好，我試過拉住行啲石路，拉到對手好痛」、「買三輪嗰啲會比較好或者自己改裝」。
有網民還指，「睇啲單唔似平台，會唔會係公司外賣員，我見工廈區食堂啲外賣員日日攞兩個大宜家傢俬袋攞到黐媽B」、「應該係公司送外賣」。
資料來源：Chin Chen＠facebook
相關閱讀：街邊廚神上身？恐怖外賣員倒瀉檸茶踎街「自製」3杯 超嘔心「做手術」過程曝光 網民：唔係啩？！↓↓↓↓
網絡日前瘋傳本港一名外賣員懷疑街邊廚神上身，倒瀉飲品後零遮掩當街即席「做手術」，超嘔心「自製」3杯檸茶，引來網民驚訝：「唔係啩？！」「假的吧？！」「正宗街頭風味！」「即席現調。」「手打檸檬茶！」「一睇就知用心做。」↓↓↓↓
