羅蘭離地近三米墮下昏迷不醒！頭撞圓枱變大細面神經中樞出事斷片險變植物人：再傷啲就冇喇

2025-04-13 18:00:00

90歲影后羅蘭於30年代出道，曾參演逾百部電影及劇集。羅蘭近年出席不少圈中聚會，仍然非常精靈健康，但日前羅蘭接受鄧英敏的YouTube頻道「老友鬼鬼GoodGoodBuddy」訪問，卻罕談早年曾因拍劇受傷一事，險些便變植物人。

羅蘭參演EYT短劇墮地

羅蘭在節目中被問及當年拍攝EYT短劇《武林聖火令》發生意外的細節，羅蘭表示：「嗰次真係大件事。」羅蘭在短劇《武林聖火令》中演一名武功高強的女俠，因此被安排吊威也，她憶述當時情況：「第一日拍完都OK，第二日再拍，Take One都OK，導演話想嚟多個，跟住大家就埋位。嗰度係燈橋上面九尺幾高（近三米高），點知我一上去，『閘』一聲就成個撻咗落嚟，撻落嚟嗰時啱啱有張白色發泡膠圓枱，我就撞到個邊位，所以大細面，左邊面大少少，當時腫晒。」

羅蘭分享拍劇墮地經歷？

（左起）70年代的羅蘭、李香琴、黃夏蕙已入行逾半世紀。

羅蘭早於50年代已經入行拍電影。

羅蘭曾與不少紅星合作。

年輕時的羅蘭也很美。

羅蘭的外貌多年來變化不大。

羅蘭拍過不少粵語長片。

羅蘭依然活躍幕前，去年曾參演TVB劇《法言人》飾演「彭老婆」。

胡楓與羅蘭都是圈中老前輩，近年忽然傳緋聞。

羅蘭早前與「緋聞男友」胡楓合唱《分飛燕》。

羅蘭與胡楓曾一同亮相台慶。

羅蘭精神奕奕好精靈。

日前羅蘭接受鄧英敏的YouTube頻道「老友鬼鬼GoodGoodBuddy」訪問，罕談早年曾因拍劇受傷一事。

羅蘭指這個經歷令她差點變植物人，幸好大步檻過。

羅蘭參演EYT短劇墮地：「我就瞓喺地昏迷不醒。」

過了一段時間，羅蘭回復知覺，更自行走入化妝間，卻被同事們發現她非常不清醒，最終由同事送入醫院。

羅蘭連意外一刻都完全失憶沒印象。

羅蘭指：「有啲人就話，我個神經中樞有問題，再傷啲就冇喇！」

羅蘭不時出席聚會。

早前梁思浩在IG分享於TVB巧遇羅蘭，問候對方為何看起來很累的樣子，羅蘭表示：「可能自己記性唔好？NG多了。」

羅蘭曾在《星星同學會》剖白自己不婚的原因。

羅蘭爆當年合作的男星愛說謊。

羅蘭自認疑心大，醋味又大。

羅蘭休息時被發現不清醒

羅蘭指當時情況嚴重，她說：「我就瞓喺地昏迷不醒。」過了一段時間，羅蘭回復知覺，更自行走入化妝間，卻被同事們發現她非常不清醒，最終由同事送入醫院。她說：「佢哋問我點，我答咗一兩句之後就唔識答喇，住喺邊都唔知喇！入院個過程我係唔知，完全冇印象。」就連意外一刻都完全失憶沒印象，「後來琴姐拖住我阿媽嚟睇我，成晚喺醫院。」同事們更擔心羅蘭獨自在病房時會有危險，於是請特護在場照顧她，「我就成晚喺度諗，我問咩事，佢哋話我跌親，咁我做咩跌親呢，係完全冇呢個意識，連醫生問我都唔知咩事。所以有啲人就話，我個神經中樞有問題，再傷啲就冇喇！」羅蘭指這個經歷令她差點變植物人，幸好大步檻過。