Gin Lee李幸倪「無愧」當初想做歌手：已無憾 保持初心用音樂散發正能量丨獨家

李幸倪(Gin Lee)加盟英皇娛樂唱片兩年多大豐收，除首奪商台「叱咤樂壇女歌手金獎」及「CHILL CLUB年度女歌手金獎」外，更接受新挑戰，出任ViuTV《全民造星VI》導師。她自言未來會有更多可能性，務求保持初心，無愧於當初想做歌手，用音樂正面影響更多人，傳送快樂。 採訪、攝影：娛樂組

Gin Lee新歌唱出自己成長心聲。

Gin Lee在迷茫期，時常力不從心時會匿埋爆喊。

Gin Lee大談辛酸史。

一切已雨過天青。

Gin Lee依家成績唔錯。

Gin Lee總結兩年心情：無愧於當初的我

Gin Lee李幸倪過檔英皇娛樂後頭炮廣東大碟《Leap of Faith》叫好叫座，其中新歌《無愧於當初的我》更加成為Gin Lee「成長」的寫照，寫一個女孩子花了10年時間，再不怕孤單回家，期間就算付出也算值得，她坦言：「經已無憾了。」

相關文章：Chill Club頒獎禮2025｜Gin Lee奪獎再被叫「阿金」感開心 戥VIVA得獎高興 爆師妹表演時有男歌手大叫「嘩」

Gin Lee出動愛貓拍《Leap of Faith》唱片封面。

Gin Lee簽英皇後推出第一首歌《Dum Dum》。

Gin Lee憑歌寄意 不再孤單

籌備兩年多的《無愧於當初的我》成為碟中最後一首主打歌，正好總結這兩年的心情：「剛入新公司時有故事性構思，想憑歌寄意，表達一個女孩子行咗10幾年，好辛苦、好勇敢地回家，縱使依家仍然一個人返家，但已經唔係孤單，因為佢盡咗力做每一樣嘢，付出係值得嘅，經已冇遺憾了。」 

相關文章：全民造星VI｜Gin Lee李幸倪擔任導師預咗爆喊 梁祖堯出山有條件唔想睇骨肉相殘

7年前Gin Lee在紅館舉行過兩場個唱。

14年前Gin Lee來港發展獲同門師兄曹格協助錄音及兼任監製。

Gin Lee曾跟偶像「歌神」張學友(左)合唱《日出時讓街燈安睡》。

Gin Lee跳出舒適圈 經歷艱苦

Gin Lee當初聽到《無愧於當初的我》時有好大感觸，會閃出走馬燈畫面：「閃得最多係迷茫期，時常力不從心時會匿埋爆喊，甚至返到屋企躺平，望住天花板攰到係咁流淚，因為近2、3年想有個轉捩點，要跳出Comfort Zone試新嘢，係會變得唔舒服，經歷好多不安、辛苦、挫敗、驚恐時候，但未必有人會明白，行到依家開始搵到平衡……」她強調並非賣慘，但人總會有經歷，想向大家分享：「大家可以攰，可以唔開心，但係會過去的，呢啲只係一個過程。」她堅持，自己無愧於當初想做歌手：「音樂畀到我好多快樂及能量，當日想做歌手，係想用音樂正面影響更多人，將快樂傳送畀其他人，呢個就係我初衷，我係冇變質嘅。」未來她仍然會做好多hit歌，挑戰每個可能性：「有好多音樂伙伴及歌手都未合作，我唔會好似以前咁，設定太多嘢嚟限制自己，好嘅機會就願意去嘗試。」Gin Lee有意挑戰啟德新場館，打算由室內試到室外，接住再做巡演，會先向Coldplay及謝霆鋒偷師。

相關文章：李幸倪加盟聲演老師揭青春遺憾 張馳豪 張天穎終解10年心結 《現在就愛》4.25搬上舞台

Gin Lee出任ViuTV《全民造星VI》導師。

年初Gin Lee首奪商台「叱咤樂壇女歌手金獎」。

Gin Lee連續兩季擔任《聲夢傳奇》的導師，當年有份指導Gigi。

多年來Gin Lee累積了一班鐵粉。