有「女高音女神」之稱的海兒（Hedy）早前因為TVB真人騷《中年好聲音3》擔任評審而被人所認識，海兒的造詣相當高，從小學音樂，已考獲皇家音樂學院八級鋼琴考試、八級聲樂考試，並獲得優異（Distinction）成績。不過海兒的身材同樣是網民的焦點。
海兒近日一洗仙氣女神形象，今日在IG貼上多張化身成Seiko Ayase（綾瀬星子）的cosplay造型相片，緊身小背心將極其豐滿上圍逼得令人透不過氣，火辣激凸3D身材任睇唔嬲。
相關閱讀：中年好聲音3｜海兒仙氣十足性感回歸！張與辰《一生何求》溶化陳曉東
「90後」海兒火辣激凸3D身材任睇唔嬲：
海兒神還原Seiko Ayase
「音樂女神」海兒（Hedy）日前與古巨基及YouTuber程人富去大阪拍攝全新旅遊企劃《I REALLY LOVE TO Travel 我真係好鍾意旅行》。去到出名動漫及Cosplay的日本，三人當然「入鄉隨俗」，於日本橋電器街喪玩Cosplay，節目一開始，海兒及程人富均指自己於動漫範圍十分耍家，這時古巨基淡淡然說道：「你哋知唔知我都係cosplay嘅元老，你哋可能冇睇過，我以前演唱會有cosplay。」隨後三人去到專賣cosplay服裝店舖shopping，最後古巨基Cosplay円城寺仁、程人富扮演高倉健、海兒則化身Seiko Ayase。三人以神還原的造形喪玩大阪街頭，更特登走到人多的地方如機舖及夾公仔舖遊走一番，古巨基笑言：「今日我哋搞到呢個look，要練嘅係乜嘢呀？膽大呀！因為係《膽大黨》吖嘛！無論見到所有人佢哋望我哋嘅目光係點，我哋仍然自信。」期間更吸引到不少途人圍觀兼拍照。行到攰，三人到餐廳醫肚，一走進餐廳，又被店員「認出」，海兒謂：「啲店員都話：『哦！Dan Da Dan！』」然後又大讚自己三人神還原角色，「都幾似喎真係我哋幾個，唔係講笑。」
海兒23吋小蠻腰及極豐滿上圍成點焦點
當日海兒現身《中年好聲音3》後，迅即成為網民新寵，一舉一動都受關注，她的23吋小蠻腰及極豐滿上圍，更加令不少人羨慕又妒忌，原來海兒一日只食一餐：「朝早起身會飲水或者齋啡，如果嗰日覺得需要多啲能量，就會飲杯蜜糖水。我主要都希望盡量可以瘦啲，始終要上鏡，盡量食健康少少。我最初係冇咁注重營養，但係而家係均衡，如果約咗朋友都會食兩餐。」海兒又曾解釋：「喺英國最肥試過130幾磅，而家係人生最瘦有112磅，近排要上鏡，所以會再健康少少，我仲專心學化妝，得閒試吓點樣化先令自己上鏡係最靚，全部妝都係自己化。」
相關閱讀：中年好聲音3丨伍仲衡疑窒猛料美女評審海兒「好深呀你講啲嘢」 網民：唔需要咁寸
中年好聲音3丨伍仲衡暗寸海兒引批評？
