因TVB節目《歡樂今宵》結緣眨眼40載的阮兆祥、梅小惠、江欣燕，早前合作節目《友乜唔講得》，昨晚播出的一集嘉賓是TVB昔日當紅小生、有「師奶殺手」之稱的陶大宇。已有15年沒有參演TVB劇集的大宇，近年依然是網絡人氣指標，除了經典「掩額頭」動作及「車匙（Jessie）」另類發音被廣傳外，大宇的「獨特歌喉」亦隨着《倒轉地球》惹熱議至今。
為《心花放》角色加小動作
大宇在節目中逐一拆解創下的「網絡經典」，其中「掩額頭」動作的起源，是因為當年在劇集《心花放》的角色平平無奇，大宇於是自創小動作突出角色：「呢個我係刻意擺上去，等於賭神一偷雞就摸戒指一樣，又或者發哥以前嘅『係咁先』。因為劇入面個角色做啲嘢好濕碎，冇乜戲好演、冇性格，我就心諗不如加啲小動作，將我嘅喜怒哀樂都擺喺呢個動作度。」大宇又謂最難忘是，有網民將他在劇集中的掩頭面動作全數cap下，令他歎為觀止。
梅小惠大讚大宇唱得認真
大宇又謂當時很羨慕比自己早出道、又備受力捧的「無綫五虎」，就連「登台最賺錢」的覺悟，也是源自五虎：「其實唱歌係為咗搵食，嗰時好興登台，見到五虎登完台就換車好羨慕囉。所以做藝人個袋入面一定要袋住幾首歌，將來有機會時就有得用。」談到大宇歌喉備受爭議，梅小惠幫口謂：「佢每場show都好認真去唱㗎，佢係小事大做，大事更加落力嘅人。」大宇聞言和應謂：「其實我係賣力嘅，第一我收緊錢啦，我做事要對得住自己，就算下面點笑我、點挖苦我，甚至乎鍾意我都好，我都係要咁做㗎啦，你收得人錢又hea住做，呢個唔係我囉。」
江欣燕被噓幸有學友安慰
談到唱歌，欣欣分享了一段因被噓匿入後台痛哭的往事，並透露當時全靠張學友安慰：「嗰時新秀出嚟做show，我因為隱形眼鏡乾係咁眨眼，人哋以為我姣婆呀！我就谷住泡淚入後台，好彩撞到學友，佢話：『姑娘仔，唔好喊啦，唔噓唔大㗎』。」
