32歲何雁詩3年前為老公鄭俊弘誕下囝囝鄭讚廷（Asher），卻發現兒子發展比同齡小朋友慢，經專家評估後，證實患上罕見病「天使綜合症」。二人一度陷入痛苦迷茫之中，但最終重新振作更帶囝囝到美國接受密集治療，Asher已有明顯進步。日前，鄭俊弘接受「One Night Talk」YouTube頻道專訪，他透露囝囝病況有新進展。
何雁詩鄭俊弘患天使綜合症愛子首度發聲
最近，鄭俊弘接受「One Night Talk」YouTube頻道專訪並透露囝囝目前病況，他表示：「佢未識行，但佢宜家扶住就可以企喺到㗎啦，要keep住食藥去控制腦抽筋呢個情況」。當被問到與囝囝相處過程時，鄭俊弘則表示：「係好感動㗎，我哋少少進步已經開香檳㗎喇！上個禮拜我同佢去做治療，咁佢講咗佢第一個字（係咪爸爸？）唔係，佢同治療師玩，個治療師就塞咗啲嘢入去叫佢掹出嚟，Asher你掹出嚟啦，咁佢真係掹到，之後聽到被讚好叻，佢就講咗『叻！』佢係好有信心，唔知點解把聲係低嘅，有咁嘅聲，係好開心聽到有呢隻字，希望佢可以再講多啲。」另外，鄭俊弘還透露：「佢好鍾意鋼琴，可以令佢專注好耐，好明顯佢係好鍾意音樂，所以我每日都會同佢彈音樂，日日同佢培養」。
相關閲讀：前TVB女星誕罕見病囝囝過程離奇 穿住羊水著尿片去茶記食麵：醫生話食啲嘢先
何雁詩鄭俊弘兒子講人生第一隻字：
何雁詩期望兒子長大後能用手語溝通
何雁詩早前做客網上訪談節目《絲打圍爐》，與主持人唐詩詠、練美娟暢談育兒心得。節目中何雁詩大方透露生育規劃：「我可以可以再生多兩個。我簡直有想過可否一次過生育雙胞胎，快速地。」 此前出席公開活動時，何雁詩透露兒子Asher經過持續治療已學識爬，這個突破讓全家激動不已。何雁詩坦言「天使綜合症」患者缺乏語言能力，所以暫時未期望能與兒子在言語上有溝通，但全家人目前正在學簡單的手語，期望兒子長大後能用手語溝通。
相關閲讀：何雁詩兩歲半仔赴美治療罕見病取得突破 學行路用叉食飯有明顯進步
何雁詩鄭俊弘積極面對囝囝病情：
