已婚大生銀行主席馬清鏗早前被《東周刊》獨家爆出與巨咪網紅「五索」鍾睿心（Rachel）暗交9年並誕下四名孩子，但五索其後沒有因此而被「滅聲」，反而越變越高調。日前，她到瑞士旅行，頻頻在社交網上傳短片，片中見有不少五索與馬清鏗互動的片段，除激罕聽到馬清鏗的真人發聲，五索更由以往以「富商A 」及「馬生」來稱對方，到現在公然叫對方為「Daddy」及馬清鏗的英文名「Patrick」，當中更見疑似馬清鏗主動甜蜜鍡食。
五索瑞士旅行食一萬蚊龍蝦餐
五索近日到瑞士旅行，連日來她都在社交網炫耀豪華生活，當中更有不少她與馬清鏗互動的甜蜜時刻。其中一條短片，見二人出發去燭光晚餐，片中激罕聽到馬清鏗的聲音，將近到達餐廳時，馬清鏗搞笑在車廂問五索︰「呀！好嘢！紅燈區喎，驚唔驚呀（五索︰驚呀）？」 鏡頭一轉，五索在大歎龍蝦，期間卻發現食物中仍然有殼，五索驚訝表示︰「點解仲有啲殻喺裏面嘅？仲有粒殼喺度呀Daddy……」馬清鏗即緊張表示︰「唔係啩，你問吓佢啊！」五索亦透露這隻龍蝦又霉又似咕嚕肉，但兩個人吃了一萬蚊港元，認真高級。
五索馬清鏗行雪地爛鞋
未幾，五索再分享馬清鏗行雪地行到對鞋爛開的經歷，她表示︰「成條路都係雪，我着緊高踭鞋，叫的士司機揸架車上嚟斜路餐廳門口落，我真係行唔到，跟住佢同我講間餐廳唔畀。」五索續說，首次以Patrick稱呼馬清鏗︰「啱啱我同Patrick都好似滑雪咁上車，跣到嘔……」此時馬清鏗突呼叫「爛咗啊，shit」，原來他行完雪地後，鞋底甩開，五索不停哈哈大笑，並謂︰「Fxxdi（鞋品牌） 不過係幾多年前話？」馬清鏗大方表示「十幾廿年前」。五索續嘲笑對方為「騎呢的人」，她表示︰「所有奇怪嘅事情就只會發生喺你身上，真係好騎呢。」而馬清鏗即謂︰「咩話，有咩咁好笑？」最後酒店人員幫馬清鏗在鞋頭綁上了一個很美的蝴蝶結，畫面搞笑。
馬清鏗餵五索食嘢
在另一片段，見五索撘纜車上山頂一間餐廳，在一片美麗的雪景下大嘆午餐，準備開餐前，五索向在旁的馬清鏗表示「我估呢個牛扒應該唔會太好食」，馬清鏗表示︰「唔好食啊，好熟呀？ medium rare變medium well？ （五索︰OK喎，又好食喎！） 好食就得啦。」 其後，馬清鏗更冧爆主動鍡五索試試自己那份食物，埸面甜蜜有愛。
五索為衛蘭仗義執言發聲
其後，五索突然重提早前「生蛇」時，衛蘭留言安撫她而被網民圍插的事件，她表示︰「衛蘭就喺IG關心我，之後就畀全港網民圍插，問佢知唔知我嘅背景？仲上埋新聞。香港人嘅快樂就係建基於個人是非，同埋做一個道德X嘅高地。」她得戚續指︰「而我嘅快樂就係建基於環遊全世界，過最好嘅生活，你哋繼續圍插我啦，bye bye香港人。」最後，鏡頭見五索cool爆扮模特兒行路離開餐廳，負責揸機拍攝的馬清鏗即謂︰「你行得太快啦！」網民都紛紛留言大讚二人的互動非常搞笑，更指馬清鏗感覺平易近人。
