網絡熱傳有紅衣大媽在長沙灣「閘車」於馬路跳舞，旁若無人，拍攝者向大媽大嗌：「碰瓷啊！有人碰瓷啊！」現場汽車響咹聲大作。
事發地點在長沙灣光昌街3號鴻昌工廠大廈對出馬路，多個社交平台流傳當時情況如下：
長沙灣大媽閘車馬路跳舞 拍攝者大嗌「有人碰瓷啊」 網民：個司機幾忍得↓↓↓↓
片中一名全身紅衣短衫短褲的大媽，拿著手袋站在馬路中央，有私家車被閘停，該大媽則站在車頭前手舞足蹈，忘我起舞，完全不顧現場汽車響咹聲大作。
有路人對大媽行為投以注目禮，片中拍攝者向大媽大喊：「碰瓷啊！有人碰瓷啊！」大媽未有回應，但被拍攝者多次大喊「碰瓷」後，才慢慢離開馬路中心，走到路邊跳舞，被阻汽車紛紛駛走，大媽則沿路行開，不發一言。
同場加映：慈雲山大媽搭「霸王的」大暴走 四處攔車屈司機：佢打劫我！網民揭更爆前科↓↓↓↓
慈雲山大媽搭「霸王的」大暴走 四處攔車屈司機：佢打劫我！網民揭更爆前科
(影片由追車資的的士司機拍攝，女子拒付車資，並攔截一部路過的士，企圖上車逃竄。)
女子：停係到，叔叔，等陣先，叔叔。
追車資司機：佢痴線㗎！
女子：唔係痴線！
女子：叔叔！
追車資司機：佢搭的士唔畀錢，又係到發癲。
女子：唔係發癲既問題，叔叔，
該部被截的士司機：小姐，關唔關我事呀，唔關我事，唔該行開呀。
追車資司機：佢神智不清㗎，你唔使同佢講。
女子：神智不清，你唔使揸住個相機呀。
女子：神智不清？吓，你係乜水呀？
追車資司機：之前搭完車，唔肯畀錢，仲係到發癲。
女子：唔係，唔係呢個問題。
女子：叔叔，叔叔，叔叔，叔叔（企圖打開的士車門，但不成功）
（其後的士開走，女子再攔截一部私家車）
追車資司機：喂，你唔好走呀！
女子：對唔住呀，叔叔！
女子：你畀我上車先呀！
女子：我同佢（指追車資司機）嘈交。
追車資司機：唔使理佢呀，佢搭的士唔畀錢發癲呀。
女子：唔係唔畀錢呀，佢依家上網呢，跟住然之後呢……
追車資司機：快啲走呀，唔好理佢。
追車資司機：我報咗警呀！
女子：你報咗警，又so what？
追車資司機：你等警察嚟囉。
女子：咁咪點呀？
女子：關你咩事呀？
追車資司機：唔關我事，等警察嚟囉。
女子：咁咪so？
女子：我唔知佢咩意思呀？
(企圖打開私家車車門)喂，叔叔，come on yeah
（私家車這時駛走）女子：咁即係點呀？
追車資司機：畀錢，一係等警察嚟。
女子：我畀錢，it’s ok
女子：但係你唔好騷擾我，得唔得呀。
追車資司機：無人騷擾你呀，你搭的士就咁走咗去。
女子：咁你唔好騷擾我，得唔得呀。
追車資司機：邊個騷擾你，痴線，警察嚟緊㗎啦。
追車資司機：你等呀，你係到發癲都無用。
女子：你唔好騷擾我，O唔OK？你唔好騷擾我呀。
（女子又再企圖逃走）追車資司機：你唔好走呀。
女子：你唔好騷擾我呀。
追車資司機：警察嚟緊，你唔好走。
女子：乜嘢呀？
追車資司機：警察嚟緊。
你唔好騷擾我呀hello。
（女子突向途人求助）
女子：叔叔！佢騷擾我呀，我畀人打劫緊呀，騷擾我。
追車資司機：警察嚟緊，你唔好嘈。
女子：佢呀，騷擾我呀。
女子：我畀人打……
追車資司機：你繼續發癲。
（女子其後沿樓梯向下疾走，司機即快步尾隨）
追車資司機：喂，你唔好走呀，大佬。
追車資司機：喂，你唔好走呀，我報咗警㗎啦，等陣你係逃犯嚟㗎。
追車資司機：我影晒相。
女子：你騷擾我呀。
網民紛紛批評大媽行為無公德心，又大讚現場停車司機克制避免衝突，「個司機幾忍得。如果我就一定ＸＸ佢喇」，「阿婆食完太空油嚟？」「大媽開路揾地方跳廣埸舞。」
網民又大讚喊走大媽：「多謝樓主！唔影住佢同大叫，佢未必會咁快走。」
同場加映：東鐵大媽硬坐小童腿上迫讓位 再攝成人兒子插坐 小童反應獲激讚：有教養↓↓↓↓
