一名阿伯昨日（25日）在巴士車廂，肆無忌憚地剪指甲，有乘客勸阻時，竟被該阿伯以指甲碎威脅，阿伯指著座位下滿地指甲碎，兇她：「攞畀你睇吓呀！」
勸阻網民在社交平台Threads公開當時情況的影片，如下：
巴士阿伯指甲碎威脅勸阻乘客 車廂剪指甲斷正發惡：「攞畀你睇吓呀！」↓↓↓↓
樓主在帖文中表示：「CLS成日都話咩唔係老人變壞，係壞人變老，今日終於比我見識到了。」她說：「我家姐今日搭巴士見到呢個伯伯喺巴士度剪指甲，本身都諗住唔影佢 ，但係嗰啲指甲聲大聲到痴線。」
影片開頭，樓主的家姐勸阻正在旁若無人地剪指甲的阿伯：「你整到成地都係喎。」該阿伯即非常激動，以粗口回應：「Ｘ你老母Ｘ，邊到呀！」樓主家姐指著地下：「呢到呀，你睇唔到啊！」
阿伯：你好道德呀，讀咗幾多年書咁巴閉呀！
阿伯大怒，指著地下指甲碎：「你落去呀！攞畀你睇吓呀！」樓主家姐表示會向車長報告，阿伯仍不知錯，反要求樓主家姐下車：「你落去呀！」
樓主家姐批評：「我仲乜要落去！我依家話畀你聽，呢個係公德心嘅問題！」阿伯這時囂張地批評樓主家姐：「你好道德呀，讀咗幾多年書咁巴閉呀！」
樓主家姐反駁：「你讀咗幾多年書係㗎車到剪指甲咁巴閉呀！」阿伯繼續駁嘴：「你都夠串喎！吹咩！」
樓主家姐繼續勸導該阿伯：「呢個公德心既問題……」阿伯即大聲喊道：「收聲啦！」之後懶理樓主家姐，繼續專注剪指甲及磨指甲。樓主家姐其後再追問阿伯：「即係你習慣搭車剪指甲㗎！」阿伯未有再理會她。
同場加映：巴士上剪指甲車長開咪鬧 19字「金句」惹熱議 網民：車長經歷過？↓↓↓↓
不少網民留言支持樓主家姐見義勇為，勸阻阿伯在巴士上剪指甲，網民紛紛批評阿伯沒公德心：「無質素，坐公共車剪指甲，彈到週圍都係指甲碎，我都有一次坐隔離位，個低等人剪指甲，啲指甲碎，彈落我個身度。」「喺公眾場所剪指甲真係好嘔心，唔明點解會咁做。」「仲要指住喺地下，可以當無事，勁！」
網民批無質素
有前巴士車長留言：「做得好！以前喺九巴做嗰陣時見到有人喺車上面剪指甲或者好大聲播抖音片，我都會開咪叫啲乘客唔好再咁樣做，不過即使開完咪都好啲，嗰啲人依然都唔會停止佢哋咁滋擾嘅行為。」
九巴乘客須知顯示，應為其他乘客設想，不應在車內作出令其他乘客感到煩擾的行為（例如高聲談話、剪指甲、大聲播放流動設備音響、用腳頂著前面椅背或將腳踏在座椅上等）。
同場加映：觀塘人氣餃子店「員工」出餐位剪指甲 店家否認是職員：佢係嚟玩㗎咋！上榜衞生署「星級有營食肆」↓↓↓↓
