移英港人疑墮培訓騙局 高時薪聘剪片員IT人 出糧前竟要做呢樣嘢｜Juicy叮

移民，對一些人來說，像是打散一幅完整砌圖，帶著零落的碎片遠赴他方再拼湊。有人漂泊異鄉待業多時，雖然有熟識的藍天作伴，但日復一日的無盡等侍，總難免為生計發愁。騙徒似乎看中這顆忐忑的心，設局詐騙，為本來就難行的路再抹上一層陰霾。

相關閱讀：移英港人回流原因逐樣數 敗走家長呻英國學校原來無ＸＸ？

樓主提醒留意培訓騙局

有網民早前在facebook群組「香港人移民英國資訊分享」以匿名身分發帖，提醒移英港人要留意網上各式英國生活group（群組）內，以高時薪（約201至301港元）招聘毋須經驗剪片員或IT人，並提供培訓的廣告，因為這有可能是疑似騙局。騙徒往往放長線釣大魚，其狐狸尾巴在事主接受培訓正式上班後，到臨發薪水前一刻才露出，會要求勞方「先入錢、後出糧」。

移英港人疑墮培訓騙局逐張睇↓↓↓↓

樓主的帖文以「大家留意」作開場白，講述騙徒的行騙手法，以及苦主發現懷疑被騙的經過，全文見下圖↓↓↓↓

移英港人疑墮培訓騙局 高時薪聘剪片員IT人 出糧前竟要做呢樣嘢

樓主提醒留意培訓騙局。

樓主：大家留意！近日喺 不同英國生活group（群組） 內有post（帖文），

樓主：話請人做剪片、IT （資訊科技）工作等，

樓主：毋需經驗但要培訓， 時薪高達20-30鎊（折合 約201—301港元）。

樓主：我朋友參加過呢類 所謂工作，培訓更有收入，

樓主：之後就分配另一份工 作但要用另一個平台，要入 錢才能工作，

樓主：我朋友用得來嘅 少少人工加入咗平台，

樓主：做完要做嘅工作，又 話要再入錢才可以獲取人工，

樓主：呢個時候就知係欺騙啦！

樓主：當有人上當，post立即delete （刪除），你再搵唔返之前嘅post，

樓主：待大家忘記後 ，用其他戶口再岀post。

樓主：無輸無贏，不過真係：

樓主：橋唔怕舊，最緊要受！

樓主：騙徒無處不在！

樓主帖文。fb「香港人移民英國資訊分享」截圖

相關閱讀：移英港人舊同事聚會 因一鍋煲仔飯 揭一校8老師移民校長都走埋……

網民截圖細看可疑廣告

有回應的網民相當知機，即時截圖轉載樓主提及的類似可疑帖文，查問「你係咪講緊呢個？」——當中見到提及以250-300港元的時薪，招聘毋須經驗的影片剪輯師，並聲稱會提供培訓。招聘帖文全文見下圖↓↓↓↓

移英港人疑墮培訓騙局逐張睇↓↓↓↓

網民提供的部分可疑招聘帖文內容：

有回應的網民相當知機，即時截圖轉載樓主提及的類似可疑帖文，查問「你係咪講緊呢個？」。fb「香港人移民英國資訊分享」截圖

網民提供的部分可疑招聘帖文內容：

可疑招聘帖文：目前我們正在招聘 影片剪輯師，工作可以遠程進行，

可疑招聘帖文：需負責影片剪輯、加字 幕、特效和配樂，並優化標題、描述等。

可疑招聘帖文：提供培訓，無經驗者 亦可申請，在開始工作之前有試用期。

可疑招聘帖文：在試用期期間， 你需要先熟悉並完成一些工作。

可疑招聘帖文：試用期結束 後，你會被調配到剪輯部門。

可疑招聘帖文：薪資：每小時 £25-30（折合約251-301港元）。

可疑招聘帖文：有興趣者 可私訊我了解更多詳情。

可疑招聘帖文截圖。fb「香港人移民英國資訊分享」截圖

相關閱讀：移英港人瘋狂「囤米」塞鞋櫃邊惹非議 當地港人斥「肉酸」：「嚟到呢邊做咗蝗蟲！」

網民：1000%呃人

網民相當關注事件，有人驚訝「入錢先有錢出糧 ？！ 有邏輯嗎？」，並指「時薪高達20-30鎊（折合約201至301港元）喎，1000%呃人啦！」、「無任何經驗時薪有20鎊已經有可疑，到25-30鎊仲信，我無法理解」。於是有人分析——「有啲人喺屋企時受到保護，真係好純潔，尤其是有困難嗰時」。

另有網民提問，事件會否「移英港人呃移英港人？」；亦有人心水清想到事件有可能扭轉成除笨有精，把被騙金錢變成獲得真正培訓。不過，也有網民質疑騙局的說法，反問「開公司名否則點證實？」、「有冇講晒真實過程先，講啲唔講啲」竹精警回應詳見下圖↓↓↓↓

相關閱讀：移英港人呻傾偈就住就住 與留港摯友漸行漸遠 怕被誤會講呢啲……

移英港人疑墮培訓騙局逐張睇↓↓↓↓

網民：一講到話要比錢就即閃啦。我係嚟搵錢，唔係洗錢。fb「香港人移民英國資訊分享」截圖

網民：好奇怪，總會有人上當。資料圖片

網民：又係KK園出嚟。fb「香港人移民英國資訊分享」截圖

網民：但係咁，未去另一份工之前嗰啲鐘你有賺。有20、30鎊收仲有嘢學，雖然佢可能教垃圾。資料圖片

網民：時薪高達20-30鎊喎，1000%呃人啦！fb「香港人移民英國資訊分享」截圖

網民：呢啲俾人呃錢之餘仲蝕埋個人資料。資料圖片

網民：移英港人呃移英港人？fb「香港人移民英國資訊分享」截圖

網民：入錢先有錢出糧 ？！ 有邏輯嗎？fb「香港人移民英國資訊分享」截圖

網民：唔係化，咁都信，舊橋一條。fb「香港人移民英國資訊分享」截圖

網民：凡叫你入$就知流。資料圖片

網民：入錢出糧。fb「香港人移民英國資訊分享」截圖

網民：輸咗時間，唔抵！資料圖片

網民：無經驗都有20、30鎊，憑乜咩會益你？諗都諗到啦。fb「香港人移民英國資訊分享」截圖

網民：開公司名否則點證實？fb「香港人移民英國資訊分享」截圖

相關閱讀：港人英國開地產舖疑專呃移英港人 苦主收樓有異追查揭驚人真相：「佢哋食緊人血饅頭！」↓↓↓↓

一間由香港人在英國開設的地產公司，早前捲入多宗懷疑詐騙移英港人的醜聞。有移英港人報警，指控該涉事港人地產舖，疑以一條龍手法詐騙，苦主追查後更揭驚人內情。

港人英國開地產舖疑專呃移英港人 苦主收樓有異追查揭驚人真相：「佢哋食緊人血饅頭！」

英國「港人呃港人」醜聞？！地產舖被指以這手法連環詐騙？追查揭驚人內情…

一間由香港人在英國開設的地產公司，捲入多宗懷疑詐騙移英港人的醜聞。

懷疑涉及「港人呃港人」的事件，由「英國專業打假師」FB專頁，及「安迪工房」Youtube頻道揭發，引發大批網民關注。

事件在移英港人圈子引發關注熱議，多位移英港人亦留言，指懷疑曾「中過伏」。

「安迪工房」Youtube頻道，日前發片指，正協助一位移英港人，舉報一間「香港人喺英國開嘅地產公司」，涉嫌詐騙。

「安迪工房」指，英國警方已受理，並正由專責詐騙的部門調查。

涉事的地產公司，2017年成立，活躍於多個社交平台，其官方網頁，標榜團隊內有多名移英港人。

「安迪工房」透露，有不少移英港人懷疑受騙，「有好多（移英）香港人，都搵咗呢間地產公司，去處理（英國）樓宇買賣。」

但之後，「交易嘅樓，都不約而同，出現大大小小好多問題。」

這些問題，輕則漏水，重則涉及樓宇結構安全。

甚至有個案，樓宇內有「聞風喪膽嘅日本虎杖」，日本虎杖是聞名的樓宇殺手，若茂密生長，可令樓宇出現結構問題。

「安迪工房」綜合其朋友經歷，與及「英國專業打假師」FB專頁提供的資料，披露懷疑詐騙手法。

他指其中一名苦主，是他的朋友，已接近退休年齡，打算在英國買樓安享晚年。

一個月前，朋友透過涉事地產公司，在英國買樓。

該地產公司介紹了一名測量師，幫朋友驗樓及估價，收費約£700- £1200（約港幣$7,000-$12,000）。

驗樓報告出來，「呢份驗樓報告嘅評分，接近完美。」

但是，收樓後，「當準業主去到銀行做按揭，銀行先話畀佢哋聽，根本完全做唔到按揭。」

更甚者，是「間屋仲畀銀行blacklist咗」，他們覺得事有蹊蹺。

怎會這樣？原來問題，出在該份「接近完美」的驗樓報告。

苦主們去信「英國皇家特許測量師協會」（RICS），查核負責驗樓的測量師資歷。

他們發現，這位測量師根本不是「英國皇家特許測量師協會」（RICS）的專業會員。

「英國皇家特許測量師協會」（RICS）回覆苦主查詢，指這位所謂「測量師」，只是一名Student Member身份，無資格驗樓，其測量師資歷聲稱是假的。

「好多業主，都畀呢個假嘅測量師，矇混過關。」驗樓時近乎完美，但買樓裝修時，卻出現林林總總的問題。

「安迪工房」指，該測量師在該地產公司網站介紹，屬該公司團隊成員，但出事後，已刪走有關描述。

由於該測量師由涉事地產公司推介，於是，業主都追問地產公司，「點解驗樓嘅時候會驗唔到？」

「佢哋就會答：驗樓嘅嘢由專業嘅測量師去做，佢哋只係一間普通嘅agents，點會知道咁多……」

「……咁呢層樓啦，由驗樓、成交去到裝修，都有好幾個月嘅時間，呢幾個月嘅時間，都可以發生好多嘢，英國樓就係咁㗎喇。」

「安迪工房」及「英國專業打假師」FB專頁指出，懷疑這裡涉及一條龍式的詐騙手法。

他們指，首先，由於「接近完美」的驗樓報告，「層樓就畀你哋說服咗我哋去買，佣金先畀該地產公司賺咗一浸。」

收樓後出現問題，突如其來須要裝修，「裝修，再畀你哋賺多一水。」「咁樣，你哋真係冇得輸喎！」

「英國專業打假師」FB專頁更指，有業主決定自行請測量師做檢查。

他們發現，好多問題，應該係物業成交前，已經發生，「而且發現有d問題，係該地產公司錯誤維修，或用錯物料引致。」

「安迪工房」透露，苦主朋友與該地產公司交涉，「佢哋就話，事件仲了解當中，會交畀佢哋嘅律師團隊去處理。」

該地產公司「仲同我朋友講：你係間屋都住咗咁耐喇，如果冇事就得啦」。

「安迪工房」指，驗樓公司與地產公司，屬兩間不同公司，驗樓費用由朋友直接給驗樓公司，但驗樓報告抬頭，卻寫地產公司。

「究竟呢個假測量師，係呃緊我朋友，定係呃緊地產公司？」

但是，「安迪工房」指，涉事地產公司已表明不會報警，目前他已和朋友向英國警方舉報。

「安迪工房」指，其朋友已接近退休年齡，「花咗大半生人儲落嘅錢，只不過想喺英國，安安穩穩過之後嘅生活，依家就畀你哋攪到茶飯不思，你哋簡直係影衰香港人！」

他更直斥：「認真！我覺得你哋賺呢啲錢去買麵包，你連塊麵包都對佢唔住，你哋係冇資格食呢塊麵包，你哋只係食緊人血饅頭！」

現時，涉事地產公司仍未有就事件，公開回應，而英國警方仍在調查中。

相關閱讀：疑呃移英港人被指「食人血饅頭」 英國地產舖港人老闆終現身鞠躬道歉 報警自稱同受騙咁解釋