久未出席香港活動的古巨基（基仔）今日（23日）為《寶馬香港打吡大賽》擔任開幕表演嘉賓，吸引大批歌迷到場，基仔獻唱了多經典歌包括《愛得太遲》及《勁歌金曲》等，他指上次在這裡演出已是多年前，今次特別提議以Live Band演出，又見到有人舉自己名牌，坦言「有feel」，希望日後有更多這樣的機會，前提是不影響自己湊仔。
古巨基為仔未雨綢繆開Show要遲啲
基仔指兒子現在5歲，正在讀K2，最快也要兒子讀小學才想開騷，又自認是貼身爸爸，感嘆兒子上小學後會變忙，故更珍惜現在：「希望佢繼續黏住我，唔好唔理我，佢而家都好黐我。」他又自爆已帶兒子去小學面試，笑指兒子未入校門時已爆喊，而他打算帶個仔去4、5間學校面試，等兒子可吸收面對陌生環境的經驗，同時表示自己非怪獸家長。至於是否有意再生多個？基仔表示不抗拒：「如果得就得，（你得唔得？）我係雷頌德，睇天意！」另外，基仔推行的「培育音樂人計劃」在今年實行，藉此培育新一代台前幕後音樂人，問到可會培養兒子，他指兒子有節拍感，也喜歡上台表演，更大爆試過帶兒子去綵排，他得知自己未有機會上台表演後即時爆喊，又謂或到他開騷時再安排兒子上台，認為父子同台是一件很難忘的事。
久未出席香港活動的古巨基（23日）為《寶馬香港打吡大賽》擔任開幕表演嘉賓，吸引大批歌迷到場支持。
基仔獻唱了多經典歌包括《愛得太遲》及《勁歌金曲》等。
基仔話阿仔好黐佢。
基仔話開Show要等阿仔讀小學。
古巨基指上次在馬場演出是多年前。
古巨基提議以Live Band演出。
大批歌迷支持基仔，好耐冇出席活動的他大喊「有feel」。
基仔都話想多啲出席活動唱吓歌，前提是不要影響佢湊仔。
基仔自認是貼身爸爸。
古巨基自爆帶K2兒子去小學面試，讓兒子吸收面對陌生環境的經驗。
古巨基表示自己非怪獸家長。
