193和肥仔@ERROR等昨晚（18日）到旺角出席「生Bear盃籃球明星賽」，兩人賽後受訪。肥仔在比賽後段入了兩球，表現突出，他指看到隊伍落後16分後就像開行Turbo般，感覺自己在防守和射波能力均達頂峰，又指入波多少不重要，最重要能入關鍵球，更指自己入波令姜濤震驚，是人生代表作之餘，也是最光輝的時刻；在旁的193就笑指是因肥仔與啦啦隊跳舞時接近女色有關︰「佢腎上腺素上升就扯晒蝦咁囉，（有冇扯其他地方？）咁就冇，呢條係現代褲，打波唔一定同男仔打，可以同女仔打，佢就好澎湃。」肥仔則指193亂咁講。
七仙羽建議下年先買樓
提到ERROR成員阿Dee最近入市買了大埔一個新樓盤的兩個單位（斥資超過1,000萬元），肥仔表示是「史上最大誤會」，詳情就要問當事人，而193則謂看到新聞後即問對方，平時不覆機的阿Dee也即時回覆，問兩人可會羡慕阿Dee買樓？193笑說：「冇喎，88萬200幾呎，你當跌咗落海啦，一定要買兩層，冇可能唔買！」肥仔指沒錢未能買樓，193笑言自己不貪心，若阿Dee肯送，200多呎也OK︰「我驚阿Dee自己嚟住會擺個二奶喺度。」肥仔就指「二奶」其實是易拉架，而193就希望身為億萬票房男配角的Dee老師可以供養他們︰「但佢冇聽七師傅講，我好信七師傅，佢話要等下年先買樓，今年樓市會繼續跌，買咗樓就X街，會仆直。」問193是否夠錢買樓？他就指自己有兩間餐廳、中醫美容院，也是兩個牌子的老闆，而之前更賣了跑車，雖然並非好有錢，都叫有少少錢︰「都有錢買阿Dee間88萬嘅劏房。」肥仔隨即問193是否可借錢給他，但被193無情拒絕，叫他問阿Dee借。
保錡好快出返嚟
另外，問到保錡近況，193直指他「呢排冇嘢做」，至於為何不一起來打波，193說︰「佢係踢波，佢係好有時間觀念嘅人，唔鍾意未必去睇，佢好珍惜時間，我相信好快會見到保錡。」又透露之後跟保錡也會拍節目，對於保錡沒工作做好慘，他說︰「我哋都冇嘢做，好彩有藍球節目咋，如果唔係揸緊兜。」
