姜濤、呂爵安（Edan）及邱士縉（Stanley）昨晚（18日）參加籃球明星賽，三人均受傷，不時瞓身救波的姜濤雙膝擦損，連黑色褲也磨穿，Edan則右腳抽筋，至於Stanley就在比賽時跟希晉膝頭撞膝頭，賽事完結後三人就表示並無大礙 ，對於成為全場MVP，姜濤指並非首次得22分，之前打聯賽時亦試過得到好成績，又笑言今日食了香蕉故充滿力量，指今次全靠隊友及教練功勞：「之前拍綜藝好耐冇打波，大家覺得我好搏，其實我有啲動作唔係咁好，膝頭嗰啲只係皮外傷，有啲位，有啲角度我係識遷就。」
姜濤︰最大敵人係自己
對於有指今年《CHILL CLUB頒獎禮》增設「人人樂壇年度歌曲及歌手大獎」兩大獎項，但就需如叱咤般由入場的粉絲投票選出，問到可會認為公司這樣安排是要他的粉絲與盧瀚霆（Anson Lo）搶飛？姜濤就認為公司改制也是想令觀眾有新鮮感，如此安排也是為了觀眾開心，而非有個別目的。至於有指只有Anson Lo的粉絲有優先訂票權而被指不公平，姜濤就相信公司有渠道令每位觀眾得到投票權︰「作為歌手唔需要理太多，（會唔會覺得唔公平？）我從來冇諗唔公平呢啲嘢，做好自己崗位就得，我知呢個報道但冇了解。」他又謂不怕會因此影響得獎機會，就像球賽一樣，有獎就會開心，也覺得不會影響自己跟Anson Lo的感情：「7年喇，唔會受呢啲影響，好小事，每年各有各獎，最大敵人係自己，對唔對得住自己攞嘅獎。」
相關文章︰生Bear盃籃球明星賽｜姜濤一個救全家成「全場最佳」助球隊反勝 呂爵安Edan抽筋痛苦離場 邱士縉Stanley傷膝被換
花姐偏心12子
提到他在韓國拍團綜時被花姐鬧「唔夠Man」，他笑指對方講笑，問到以後是否會再Man一點？他說：「今日夠Man啦！唔會再鬧我㗎喇，放心！」至於因此令「姜糖」覺得花姐偏心Anson Lo，姜濤就表示只有少數人誤會，更謂花姐是偏心12子，為了他們而很少時間陪老公和兒子。
Edan提早回港探望親戚
而本來在韓國拍攝綜藝節目，但因家中急事提早返港的Edan，被問到家中狀況時，他雖然表示大家不用擔心，惟一提起家事就顯得情緒低落，Edan指親戚身體有事，已經處理了，他坦承心情確實有影響︰「我都唔想講太多，我都唔希望拍緊嘢要趕返嚟，收到急call趕返嚟。」對於被指返港是為了陪緋聞女友林明禎過白色情人節，Edan也感到無奈︰「其實都唔係幾好，冇根冇據，我見到呢件事……真係唔係咁尊重，我理解傳媒，希望有啲事要實事求事，唔想影響其他人。」對於林明禎知道他因家事返港，似乎很了解其近況，Edan說：「多謝關心。（你話佢知？）覺得唔需要交代，（有冇見面？）覺得冇需要交代。」提到他比賽時抽筋，他表示可能因為太耐沒做劇烈運動所致，指小腿從未試過這樣抽筋，至於比賽由贏變輸，他雖感到可惜，亦覺得比賽精彩和好玩。
Stanley曲腳時感痛楚
另外，膝頭受傷的Stanley表示自己防守太搏，故被希晉（樂隊ROVER成員）撞到膝頭內側，當時沒有感到肌肉有分離感，敷冰後覺沒事，才落場繼續比賽；現在曲膝屈腳時雖感到痛，惟相信問題不大。
