關嘉美是知名家庭醫生，過往接受很多醫學節目、新聞報道訪問，甚至亮相於娛樂性的清談節目《Big 4大四喜》等。現年72歲的關嘉美近年現身在螢光幕的頻率減少，不少人都以為她已經退休，近日前TVB主播方健儀主持網上節目《女人方言》請來關嘉美做嘉賓談談近況，可見她仍然保留招牌長髮，外貌變化不大。
關嘉美曾被封醫學界萬綺雯
關嘉美因留有長髮，加上嘴邊有痣，因此曾被網民封為醫學界萬綺雯。關嘉美突然嚴肅表示：「我要喺度同萬綺雯小姐say sorry，因為佢係一個女神，好靚女，咁點可以搵佢嚟比較一個又老又醜又矮嘅人呢，咁我係非常抱歉，但嗰啲（網民比較言論）你當惡作劇啦！」
相關閱讀：萬綺雯「女兒」近照曝光！《殭屍3》郭家頤曾受亞視力捧 完約後息影傳嫁富商
關嘉美醫生久違受訪招牌Look不變？
關嘉美懶理被批愛出風頭
關嘉美私人執業32年，早年被邀為雜誌寫醫學的專欄，因不甘沉悶，常以故事帶出醫學知識，「我記得我第一篇就寫《他十天沒有大便》，我一定要吸引，其實係講大腸癌。」被方健儀笑指是第一代「標題黨」。原來關嘉美都有留意曾有人批評她愛出風頭、評價她打扮及外形等，但自言年紀大不懂得用電腦看討論區，沒有太關注批評的留言，她亦沒有社交平台，對於批評，她表示不會在意，「我已經一把年紀，人哋要說咩隨便人哋講啦，而家最重要係自己活得開心，仲有活得健康啲、長命啲，已經好足夠。」關嘉美指醫生生活其實好平淡，不如劇集所演常到酒吧消遣。她現時最愛睡到自然醒，下午才應診，仍然需要更新自己的醫學知識，亦有「煲劇」、逛商場及旅行等，自認是個不好物質的人，現在拿名牌手袋都覺得重。
關嘉美打扮曾經常成為話題
方健儀指，關嘉美給她的印象與一般醫生不同，因為關嘉美經常打扮得色彩繽紛示人，關嘉美分享：「其實我冇化妝，我都想化妝，不過我唔化得妝，因為我皮膚敏感，所以我冇去做facial，又冇得化到靚靚，我只可以護膚同搽防曬。我覺得着得好啲，乾乾淨淨或者有啲飾物都唔錯。」至於沒有常穿套裝，其實不是為了打破醫生的正經框架，而是為了方便，穿上醫生袍便可工作，亦方便走動，「着住套裝係坐喺度畀你哋影相嗰陣，扮靚靚嗰陣啫，我又唔扮嘢嘅！」
關嘉美30年前為生仔險死
關嘉美透露，自己約30年生子，患上妊娠毒血症險死。關嘉美表示：「如果血壓好高可以死㗎！當時我喺亞德萊德生小朋友，澳洲嘅醫院。生完個仔之後，我記得都幾病吓，簡直係講唔到嘢，到咗一個程度我覺得唔得，我一定要企返起身、要講返嘢，咁就着返件光光鮮鮮嘅衫，出返街、企起身、講嘢，我諗係意志力囉！」
相關閱讀：萬綺雯素顏見「前男友」 前亞視小生美男樣不再？ 身世可憐被迫同養母脫離關係
李家仁醫生近況曝光身形暴瘦？
關嘉美喪母陷抑鬱
關嘉美指自己本來想做太空人，但她因為媽媽期望她做醫生，於是決定讀醫。但早年卻曾因媽媽死於乳癌而抑鬱，關嘉美說：「我真係好抑鬱，然後我就好懷疑，『做咩醫生呀，醫生都醫唔到病，我最親嘅媽媽都因為乳癌死咗』，當時冇晒目標，唔知自己做咩醫生，冇用，成日話做醫生冇用。」跨過喪母低潮，她亦因為工作見得太多生死問題，學識安慰自己、病人和患者家屬。關嘉美說：「無論係個病人，或者照顧者，其實係痛苦㗎，話你聽唔痛苦係假嘅，所以我諗通咗，做醫生另一個目的，唔係一定要醫好病人，因為生老病死，人生必經階段，只要你好好照顧佢，安慰佢，給予支持、支援、對佢好，等佢安安樂樂、舒舒服服，咁樣離去已經好足夠，你已經做咗一個好嘅醫生。」
