有港女在社交平台發帖，怒轟一間婚禮攝影公司在婚禮前一日，才致電表示撞期取消原定拍攝，更只肯賠償一半金額，女事主表示這令她們在「big day前一日食唔安坐唔落」，「對新人嚟講絕對係惡夢！」
該港女指，婚禮正日，該婚攝公司更出Po表示為另一對新人「順利完成」拍攝，她形容：「見到呢個post，對我哋係二次傷害！」事件在網上引發熱烈迴響，涉事公司就事件作出回應，詳情如下：
絕對係惡夢！港女怒轟婚攝公司惡搞新人 婚禮前一日突稱撞期只賠一半 涉事公司咁回應：↓↓↓↓
女事主在社交平台Threads發帖，點名批評一間婚禮攝影公司，在婚禮「前一日先同我講你double book」。女事主引述該攝影公司致電表示：「你話另一pair難攪，所以焗我要讓步。」
女事主要求全額約1萬8千元賠償，但「你（指攝影公司）討價還價只肯賠一半（約9300元），我哋無奈接受，但唔等於認同你既失職失德」。該婚攝公司還提出免費替她拍攝家庭照，但女事主說：「信任掏空同時你仲好意思叫我搵你影家庭照？」
「生意你可能有好多，但我地big day 只有一個」
女事主在婚禮正日，看到該婚攝公司出Po表示為一對新人拍攝「順利完成」，女事主形容：「見到呢個post 對我地係二次傷害，你就順利完成，我就big day前一日食唔安坐唔落。」她批評：「生意你可能有好多，但我地big day 只有一個，我地冷靜但絕對唔等於原諒!!!」
她臨急臨忙幸好最終能找到其他婚攝公司頂替：「我地千辛萬苦先搵到攝影師頂替，對新人嚟講絕對係惡夢。」「心善得到唔同人出手，我哋婚禮亦可以非常順利同開心氣氛下完成。」
同場加映：為拍婚照故意撳停纜車 婚攝公司缺德行為竟獲網民力撐 原因係…：↓↓↓↓
帖文引發熱議，部分網民留言指亦曾光顧同一婚攝公司臨時被「甩底」，有人在婚禮前數小時才獲通知無法前往拍攝。
其他被甩底苦主現身：big day前3個鐘先話嚟唔到
「我係big day前3個鐘先話嚟唔到，個陣係凌晨4點半，根本連搵既時間都冇，之後一d跟進都冇，我一日唔出聲佢都唔會覆。」「朋友婚禮前一日12點先話自己入咗院嚟唔到，好大方話平返$1600畀佢搵過第二個，大婚美好心情都俾佢破壞晒……」
「本身2024年11月16日book左Ｘ(該婚攝公司) full day，約左7:30am到酒店影相，點知當日半夜4:30am左右先send whatsapp話筋膜炎落唔到床，嚟唔到，就話安排左其他攝影師過嚟。當日出黎效果當然唔好……好多相角度唔岩/合埋哂眼/遮住個樣/低炒/暴光，好難先揀到25張相精修。」
有網民又指該公司自訂OT時間及價錢，當被婉拒付OT錢時即「怒客人態度有問題」，「我都係苦主，合作完，成間公司專業操守好有問題！！我哋畀咗錢，仲一肚氣。」
涉事公司道歉：加強內部管理，確保類似問題不再發生
該婚攝公司其後在官方社交平台發表逾600字道歉聲明，聲明表示向相關客人致以最深切的歉意，「此次因本人工作上的疏漏，為客人的婚禮帶來不必要的困擾與失望，本人對此深感抱歉。」「本人承諾將加強內部管理，確保類似問題不再發生。同時，本人已深刻反省此次失職。此次事件對客人造成不便，本人再次誠懇致歉。」
聲明又表示，在發現訂單上出現衝突後，「本人立即致電向受影響的客人致歉，並迅速提出應對方案。通話結束後，本人隨即提供本公司其他攝影師的作品資料，並積極聯繫業內同行，提供更多選擇供客人參考。」
其後該客人另覓攝影團隊，該公司已退回9,300元訂金，「事後，本人深刻反省此次失職，並向客人提出未來如有需要，可免費為其拍攝孕婦或家庭照作為補償。」「後來客人要求額外賠償港幣18,000元。本人提出以全單金額的一半(即港幣9,300元)作為賠償，並再次表達誠摯歉意。」
同場加映：度縮港男「婚事當白事搞」 殯儀館名義搲著數 終極慳到XX萬咁多↓↓↓↓
