季季都會選馬王，今季特別刺激！因有三匹皆馬王級，包括「遨遊氣泡」、「嘉應高昇」及「浪漫勇士」。
三匹馬各有千秋。
「遨遊氣泡」今季大熟大勇，跑五場四W一Q，贏三場國際一級賽，兼且場場皆Easy Win，三冠馬王擺明囊中物，仍未知可以去到幾深，睇 應該試做過江龍，與國際級馬王比試一下，令自己成就更上一層樓。
「嘉應高昇」仍四歲，但早已贏到冇對手，今季六次全Win，犀利到好似冇考驗，擺明已是當今世上的短途王者。事實，在國際賽中也完全冇外隊馬夠佢跑，近三場一級賽掃晒。究竟潛質去到邊，也是未知。
以上兩匹，唯一蝕章，是暫時今季未有海外賽績，可以提升做「王中王」。
理所當然，暫時論成就，以上兩匹仍差「浪漫勇士」一線，因今季有一場海外一級賽「美丹大賽」冠軍墊底。而剛剛全球最高獎金的「安都拉茲」泥地賽事，也拼入亞軍。但有一點令人憂慮，呢場最後一百米隻馬用得好盡，萬一傷 元氣及英雄感，令鬥心受挫，再出之時，難有以往的王者霸氣。
真的有少少擔心，因「浪漫勇士」今季七歲，係時候已經摸頂，只差幾時回落。
英雄總會似太陽，會日落，請看看「加州星球」，但一日未再出，一日都未知。
假若仍繼續橫掃，當然馬王係佢。否則，失多一場W的話，咁「遨遊氣泡」及「嘉應高昇」即可乘勢而起。
由現在到季尾，馬王之爭，將緊張刺激。
明日沙田又有大賽，四歲馬跑香港經典盃，乃打 預賽，正路考慮可能仍會 手。
