雞翼見血疑未熟求換 長沙灣燒味店要退貨客付「咬過」雞翼錢 事主怒斥：唔咬過點知生？記者查詢店長咁回應｜Juicy叮

有網民在長沙灣一間燒味店購買滷水雞翼，回家進食時發現見血疑未熟，拿回店家退貨時，店方竟指事主「食過」雞翼，要求事主就被咬過的雞翼付錢，才可退貨，事主怒斥：「唔咬過點知生？」「你畀啲生嘢我食，仲要我畀錢？」

事主在「長沙灣美食及消費關注組」FB專頁發布與店家對質的影片，《星島頭條》今日（5日）早上向該店店長查詢，事件詳情及店長的回應，詳情如下：

滷水雞翼見血疑未熟 長沙灣燒味店要扣退貨客「咬過」雞翼錢 事主怒斥：唔咬過點知生？記者查詢店長咁回應：↓↓↓↓

事主昨日（4日）在「長沙灣美食及消費關注組」FB專頁發帖，表示在長沙灣一間燒味店「買咗幾隻燒雞翼生嘅！食到雞翼中間個位，完全好似刺身咁……仲有少少漂白水味」，他於是到店家要求退換。

事主拍攝當時退換情況，店方一名女職員向他多次表示：「你都食咗囉喎！你都食咗囉喎！」女店員再向事主強調：「你都食晒囉喎！」事主反駁：「食晒？！」女店員表示：「你呢個唔係食晒咩？」畫面這時拍向該盒退貨的懷疑生雞翼。事主指出：「我應該係食咗兩隻或者一隻，係咁上下，你話食晒？」

同場加映：尖沙咀印尼食店老闆辱罵食客：「搵你80幾蚊慘過做雞！」 仲有更進擊回應↓↓↓↓

尖沙咀一間印尼食店的老闆，因負評與食客爆發罵戰，該食店老闆回應相當進擊：「我接到你依個『客人』算唔算中伏？」「請你唔好再黎啦，搵你80幾蚊慘過做雞。」

涉事的印尼食店位於彌敦道一棟大廈的3樓，其前身為一間屹立佐敦40年的懷舊印尼餐廳，老店於2016年結業，其後由第二代接手再於現址復開。（google地圖截圖）

有食客在網上對該食店留負評，分享今年4月一次光顧的感受指「貼錢買難受」。

該食客批評叫的大部分菜式「係得個甜字」。

他特別指其中一碟薩摩汁牛肉，「成兜野甜到食唔落」，而且「仲要係用肥牛片。」

「炒飯有鑊焦粒，雞絲有D硬，又係甜味。炒四季豆有D生，D參巴醫又係甜。」

除食品質素外，該食客又批評店內職員態度。

「收銀阿姐態度勁串，只係問佢我哋落咗幾多樣餸，佢就好惡咁掟返畀我哋睇張紙，話你自己睇返叫咗幾多！」

「侍應個個好急好忙咁，問佢邊到有水，只係講前面轉左，佢個斟水位又被擋住，最後都係冇斟情願出去買！」

店主其後以長文親回，說話相當進擊。

店主心水清，記得該食客當晚4個人，埋單$329，「人均消費剛好82蚊左右。」

店主：「這個消費額在晚市的尖沙咀區，相信除了M記外都不能做到。」

至於被指食物「甜到食唔落」。

店主回應：「既然你話「甜到食唔落」，點解你地會食到連汁都一滴不留？(精神錯亂？)」

「黑豉油當然是甜的啦，難道會有酸的黑豉油？」

對於那碟「薩摩汁牛肉」被指用肥牛片，店主回應：「唔知道你們是否沒有去街市買菜的經驗？請你們調查一下肥牛的每磅成本是多少？肥牛又是否為低下的肉種？」

對於店員態度差的指控，店主回應繼續進擊。

店主回應：「餐廳忙，侍應梗係忙，忙起上黎答嘢當然會急D。」

「不過我同你強調一點，就係我地餐廳無收你加一服務費。」

「如果你想要比較好的服務，就建議你去五星酒店。」

「佢地服務都非常好，就算你再無理取鬧，佢地都會笑住望住你。(只不過可能會在心裡咒罵你)」

對於食客指未能取水，店主仍然心水清。

店主：「雖然你（指食客）聲稱唔知水起邊，但係該晚你地又好成功咁去攞水去洗餐具。」

最後店主表示：「請你唔好再黎啦，搵你80幾蚊慘過做雞。」

該食客其後再回應：「一間連顧客反映真實聲音的店鋪，難怪出品品質同店主同出一轍。」

店主繼續進擊：「點都叻過你，我地做一件事可以專注做幾十年。 而你只能匿名連樣都唔敢露岀，起度扭曲事實胡言亂語。 我地打開門做生意，正大光明，有咩怕你？」

第二場罵戰在一週前發生，有食客負評該店店員的惡劣態度。

食客批評「門口呀姐」態度差，餐廳限時，「如果坐低就要開始計時80分鐘。」

「最後都係好唔情願地俾我哋入去搵已經坐低咗嘅朋友，之後每一位入座嘅客人都抱怨門口呀姐好惡趕客。」

「食物方面有好有壞。咖央多好食，巴東牛肉都好正宗。不過所有食物嘅調味都偏甜。」

「但係米飯唔夠水分非常硬，咬到牙較都軟。」

「埋單每位$100。呢個價錢喺佐敦尖沙咀算平。但有其他更好嘅選擇，起碼唔洗受人氣，同埋對個胃都健康啲。」

該食客又批評店主「不願接受批評之餘仲要將責任推卸落顧客身上。可能佢哋大把生意，唔志在少咁幾個我呢啲閒人幫襯。」

店主就這位食客的負評，再發長文回應，當中有不少金句。

「一日做得幾辛苦坦白講也不怕，最怕就係見到你啲咁嘅人咁嘅留言。」

「特別反映到好似我哋依啲小店，應該對你所謂客人卑躬屈膝，應該對你雙膝跪地先令你滿意。」

「你唔好咁自我中心啦，你要考慮吓人哋其他等位嘅人。」

「我接到你依個『客人』算唔算中伏？點解你可以咁自私？」

「我咁辛苦做完嘢，一打開電話就見到你講啲咁嘅嘢，你會唔會賠返錢畀我？」

「大過啦，成熟啲唔好成個『巨嬰咁』。」

店主長文發出後數小時，其後刪走回應，改為道歉。

店主道歉：「思前想後，我之前對你的言論實在是非常惡劣。 也不應用工作繁重來做自己態度差劣的藉口。 對你致上萬分抱歉。」

店主昨日（18日）再在其官方FB發帖回應事件。

「大家脾氣唔好，基本上每一日都會有一個客人對我哋講粗口x我地老母。(完全冇交流之下)」

「細佬脾氣口氣，唔係太好。」

「代入大家都係打工仔嘅角色，可能我哋好俾心機做完老闆俾的工作，問心無愧去交貨嘅時候，」

「老闆竟然回你一句：『屌你啲嘢全部都係甜嘅。同我捱通宵重新做過！』」

「咁真係一時之間收唔到怒火，不識大體咁講左啲唔係幾好嘅回應。」

「所有嘢都係我哋錯，大家唔好嘈交。」

「呢位自修室嘅弟兄，如果你係當事人。我誠意邀請你嚟開個Live ，小弟親自向你斟酒認錯。」

「希望大家唔好嘈交。我哋大家都係香港人。有怪莫怪。」

事主：你畀啲生嘢我食，仲要我畀返錢你！

這時一男店員大聲向事主表示：「扣錢囉，你食咗咪扣囉！扣返錢出嚟囉！」事主怒斥：「扣幾多錢啊，你畀啲生嘢我食，仲要我畀錢啊！」男店員回應說：「兩隻就14囉！」意即兩隻雞翼要事主付14元。事主這時再重申：「即係你畀啲生嘢我食，仲要我畀返錢你！」該男店員再大聲喊：「你食落去咁又點（計）啊！」

事主質問：「你咪唔畀我退？」男店員反駁：「依家退返畀你，無話唔畀你退喎。」事主追問：「使唔使收我錢？」男店員說：「咁你食咗點啊！咁你食咗點啊！」他指著該被咬過雞翼表示：「咁我呢啲又點先！你自己講囉！」

網民：錯咗仲咁惡

事主在鏡頭前拿出一些紙幣：「你想收錢，我畀返錢你，收幾錢啊？你畀啲生嘢我食喎。」男店員這時轉身走開，邊走邊說：「畀返錢咪畀返錢囉！你話幾多錢咪幾多錢囉！」

事件引發熱烈迴響，在多個社交平台瘋傳，不少網民非議店家的待客態度：「長沙灣呢單真係人神共X，唔咬過點知係生呀？唔咬過都知係生即係有特異功能？」「食又點知係生？唔食又點知唔熟？」「唔食過，點知係生。」「好心換比人啦，大家D態度又衰。」「錯咗仲咁惡。」「講多無謂啦～即刻報警報食環。」「實好簡單就處理到啦，『對唔住，我退返錢俾你』又或者你換過其他嘢。」

記者查詢 店長：唔好意思啊，依家忙緊

記者今早致電該店查詢，自稱店長的女職員未聽完提問，即表示：「唔好意思啊，依家忙緊，開緊銀頭啊咩嘢，未方便啊，唔好意思啊。」記者問她什麼時間致電才方便，她說：「晏啲啦，我依家啱啱開檔啊，我啲銀頭數緊，未得閒啊！」

記者問具體什麼時間方便受訪，她說：「啊……中午嗰個時候啦。」記者問是否中午12點，她表示：「嗰陣時最忙。」她說：「啊……2點鐘嗰個時候啦。」

記者問都已談了好一會兒，何不現在回應，她即說：「我依家忙緊啊，數緊啲錢！」記者問屆時找誰回應事件，她說：「你打嚟有人聽㗎啦，OK㗎啦！」她隨即表示：「我唔同你講住，我依家忙緊啊，唔好意思啊！」之後掛線。

同場加映：觀塘人氣餃子店「員工」出餐位剪指甲 店家否認是職員：佢係嚟玩㗎咋！上榜衞生署「星級有營食肆」：↓↓↓↓